އިންޑިއާގެ ވަޒީރުންގެ މަޖިލީހުން ރާއްޖެއާއި އިންޑިއާ ގުޅުވާލާ ފެރީ ނިޒާމް ގާއިމް ކުރުމަށް ދެ ގައުމުން ސޮއިކުރި އެއްބަސްވުމަށް ރުހުން ދީފިއެވެ.
ދެ ގައުމުން އެއްބަސްވެފައިވާ ގޮތަށް ފެރީ ނިޒާމް ކުރިއަށް ގެންދަން ވަޒީރުންގެ މަޖިލީހުން ރުހުން ދީފައިވާ ކަމަށް އިންޑިއާގެ ޕްރެސް އިންފޮމޭޝަން ބިއުރޯ އިން މިއަދު ނެރުނު ނޫސްބަޔާނުގައި ވަނީ ބުނެފައެވެ.
ކޮޗިންއާ މާލެ އަދި ކުޅުދުއްފުއްޓާ ދޭތެރޭ “ކާގޯ ޕެސެންޖާ” ފެރީގެ ޚިދުމަތް ފެށުމުގެ އެއްބަސްވުމެއްގައި ބޮޑު ވަޒީރު މޯދީ ރާއްޖެއަށް ކުރެއްވި ދަތުރުފުޅުގައި ވަނީ ސޮއިކޮށްފައެވެ.
