ދިވެހި މަސްވެރިން ބާނާ މަސް ގަންނަން ބޭރުގެ ބޯޓު ފަހަރަށް ހުއްދަދޭއިރު އެކަމުގެ ސަބަބުން ކުރިމަތިވެދާނެ މައްސލަތަކަށް ވަރަށް ބޮޑަށް ސަމާލުކަން ދޭން ޖެހޭނެ ކަމަށް މަޑުއްވަރި ދާއިރާގެ މެންބަރު، ކުރީގެ ޑިފެންސް މިނިސްޓަރު އާދަމް ޝަރީފް ވިދާޅުވެއްޖެއެވެ.
މަޖިލީހުގައި އާދަމް ޝަރީފް މިއަދު ވިދާޅުވީ ބޭރުގެ ބޯޓު ފަހަރު ރަނގަޅަށް ނުބެލެހެއްޓޭނަމަ ހަތިޔާރާއި މަސްތުވާތަކެއްޗާއި އެހެންވެސް މަނާތަކެތި ރާއްޖެއަށް އެތެރެވެ ނުރައްކަތެރި މައްސަލަތައް އިތުރުވެދާނެ ކަމަށް ވަރަށް ބޮޑަށް ވިސްނަން ޖެހޭނެ ކަމަށެވެ.
މީގެ އިތުރުން ބޭރުގެ ބޯޓުފަހަރަށް މަސްގަންނަން ފުރުޞަތުލިބި މަސްކަނޑުތަކުގައި ހަރަކާތެރިވުމުގެ މަގުފަހިވުމަކީ މަސްވެރިކަމުގެ ސިނާއަތު ހަލާކުވެގެން ހިނގައިދާނެ ކަމެއް ކަމަށް ވެސް އާދަމް ޝަރީފް ވިދާޅުވިއެވެ.
އާދަމް ޝަރީފް މިމޭރުމުން ވިދާޅުވެފައިވާއރު ރާއްޖެއިން މަސްބަރުކުރުމުގެ ނަމުގައި އަންނަ ބޯޓުފަހަރު ރާއްޖޭގެ ސަރަހައްދުން ޤަވާއިދާއި ޚިލާފަށް މަސްވެރިކަން ކުރުމުގެ މައްސަލަތައް މީގެ ކުރިންވެސް ވަނީ ކުރިމަތިވެފައެވެ. މަޖިލީހުގައި މިއަދު ވާހަކަ ދެއްކި މެންބަރުން މިފަދަ މައްސަލަތައް، ކުރީގެ ތަޖުރިބާތަކަށް މާބޮޑު ސަމާލުކަމެއް ނުދޭކަންވެސް ވަނީ ފާހަގަކުރެވިފައެވެ.
Masverinnah hamaagu hoadhaidheyn masakkaiy kuranjehey.Namaves, beyruge boatthah Raajjeyge maskandu thereygai, mas gannan furusathu dhinumakee masverikamuge sinaa'athu halaakuvaane kameh. Hathiyaaraai drugs adhi human trafficking ah magu fahivaane kameh. Siyaadhathah nurakkavaane.
— Adam Shareef Umar (@Adamshareefz) July 15, 2019
