އިންޑިއަން އޯޝަން އައިލެންޑް ގޭމްސްގެ އެތުލެޓިކް އިވެންޓުގެ ހާފް މެރެތަންއިން ރާއްޖޭގެ ޝިފާޒް މުހައްމަދު ޤައުމީ ރެކޯޑު އައުކޮށްފިއެވެ.
އެ އިވެންޓުގައި ޝިފާޒު ރޭސް ނިންމީ 4 ވަނައިގައެވެ. ނަމަވެސް ރޭހުގެ ވަރަށް ބޮޑު ބައެއްގައި ތިންވަނައިގައި އޭނާ އޮތް އިރު، އޭނާ 4 ވަނައަށް ވެއްޓުނީ ރޭސްނިންމަން ގާތްގަޑަކަށް ހަތަރު ވަރަކަށް ކިލޯމީޓަރުގާ އޮއްވައެވެ.
އެންމެ ފަންސާކަށް މީޓަރުގެ ތަފާތުން ޝިފާޒަށް ލޯ މެޑެލް ގެއްލުނު އިރު، އޭނާ ރޭސް ނިންމީ 1 ގަޑި 10:55 މިނެޓުންނެވެ. އޭނާއަށް ވުރެ ކުރިން ނިންމާ ލޯ މެޑަލް ހޯދީ މަޑަގަސްކަރައިގެ ފެންސޯސާ ހަރިވެލޯއެވެ. އޭނާ ދުވެފައިވަނީ 1 ގަޑި 10.44 މިނެޓުންނެވެ.
ޝިފާޒް އިއްޔެ މުގުރާލީ މޮރޮކޯގެ ރަބާތު އިންޓަރނޭޝަނަލް މެރެތަންގައި އޭޕްރިލް މަހު ޝަރަފް 1 ގަޑި 12:52 މިނެޓުން ދުވެގެން ހެދި ރެކޯޑެވެ. ކުރިން އެ ރެކޯޑް ޝިފާޒުގެ އަތުގައި އޮތީ ހަމަ އެ މަހުގެ ކުރީކޮޅު ޕްރާގް މެރެތަންގައި 1 ގަޑި 13:04 މިނެޓުން ދުވެގެންނެވެ.
މި ރޭހުގައި ރާއްޖެއިން ދެން ވާދަކުރީ މުޙައްމަދު ޝަރަފެވެ. ނަމަވެސް އަކުނިވަޔަށް ދަމައިގެން އޭނާއަށް ރޭސް ފުރިހަމަކުރެވޭ ގޮތެއް ނުވިއެވެ.
