މިދިޔަ އަހަރުގެ ސެޕްޓެމްބަރ މަހު ބޭއްވި ރިޔާސީ އިންތިހާބުން ނާކާމިޔާބުވެ ވަޑައިގަތް ކުރީގެ ރައީސް އަބްދުﷲ ޔާމީން އަބްދުލްޤައްޔޫމް، އެއިންތިހާބުގެ ނަތީޖާ ޤާބޫލުފުޅު ކުރައްވަން އަދިވެސް ދަތިކަމަށް ވިދާޅުވެއްޖެއެވެ.
ރައީސް ޔާމީން ވިދާޅުވީ، ރިޔާސީ އިންތިހާބު ނާކާމިޔާބުވެ ވަަޑައިގަތީ އިލެކްޝަންސް ކޮމިޝަން (އީސީ) އިން އޮޅުވާލުންތަކާ ހެދި ކަމަށެވެ.
ރައީސް ޔާމީންގެ މިވާހަކަފުޅުތަކުގެ ރައްދެއްގެ ގޮތުގައި އީސީގެ ރައީސް އަހުމަދު ޝަރީފް ވިދާޅުވީ އެއީ "ކުރުވާހަކަ މުބާރާތުގަ ބައިވެރިކުރަން ރަނގަޅު ވާހަކައެއް" ކަމަށެވެ.
ޝަރީފް މިއަދު ކުރެއްވި ޓްވީޓެއްގައި މިހެން ވިދާޅުވުމުން ރައީސް ޔާމީނަށް ތާއީދުކުރައްވާ ސިޔާސީ ބައެއް ބޭފުޅުން ވަނީ އީސީގެ ރައީސް އަށް ނުރުހުމުގެ އެތައް ރައްދެއް ފޮނުވާ، "ކުރުވާހަކަ ދައްކާލާނެ" ކަމަށް ވެސް ބުނެފައެވެ.
އެގޮތުން ރައީސް ޔާމީންގެ އިސް އެއް ބޭފުޅެއް ކަމަށްވާ ޑރ. އަބްދުﷲ ޚަލީލް ވިދާޅުވެފައިވަނީ އީސީގެ ރައީސްގެ އެފަދަ ޓްވީޓްތަކުން އެކޮމިޝަންގެ އިންޓެގްރިޓީ އާއި މިނިވަންކަމާމެދު ސުވާލު އުފައްދަން ޖާގަ ލިބޭ ކަމަށެވެ.
"އީސީ ގެ މަސައްކަތާއި ގުޅޭ ގޮތުން އެއްވެސް ފަރާތަކުން ޙަގީގަތާއި ޚިލާފު ވާހަކަ ދައްކާނަމަ އެއަށް ރައްދު ދޭން ޖެހޭ. ޕީޕީއެމް އިން ނުވަތަ ރައީސް ޔާމީން ދައްކަވާ އެހެން ވާހަކަތަކަށް އީސީގެ ފަރާތުން އެއްޗެއް ނުބުނަމެއްނު" ޚަލީލަށް ރައްދު ދެއްވަމުން އިލެކްޝަންސް ކޮމިޝަންގެ ރައީސް އަހުމަދު ޝަރީފް ވިދާޅުވެފައިވެއެވެ.
Election Commission ge Raees ge mifadha tweet thakun e commission ge integrity ai minivan kamaamedhu medhu suvaalu ufahdhaane jaaga libey! https://t.co/8VeTvTg9x2
— Dr. Abdulla Khaleel (@abkhaleel) July 28, 2019
EC ge masahkathaa gulheygothun ehves farathakun hageegathaa khilaafu vaahaka dhahkaanama eah rahdhu dheyn jehey, PPM in nuvatha RY dhahkavaa ehen vaahaka thakah EC ge faraathun ehcheh nubunamehnu @abkhaleel
— Ahmed Shareef (@ShareefRangondi) July 28, 2019
