މިނިސްޓްރީ އޮފް ހައުސިންގ އެންޑް އާރބަން ޑިވެލޮޕްމެންޓްގެ އެގްޒެކެޓިވް ޑިރެކްޓަރ އަހުމަދު މައިމޫން މުޙައްމަދުގެ ލައިސެންސް ހިފެއްހެއްޓީ އެއްވެސް ފުލުހަކަށް އިންޒާރު ދީގެން ނޫން ކަމަށް އޭނާ ވިދާޅުވެއްޖެއެވެ.
މައިމޫން ފުލުހުންނަށް އިންޒާރުދިން ކަމަށް ބުނެ ފެތުރެމުންދާ ވާހަކަ ދޮގު ކުރައްވަމުން އޭނާ މިއަދު ކުރެއްވި ޓްވީޓެއްގައި ވިދާޅުވެފައިވަނީ އެއްވެސް ފުލުހަކަށް އޭނާ އިންޒާރު ނުދެއްވާ ކަމަށާއި ޖޫން މަހުގެ 23 ވަނަ ދުވަހުގެ ރޭ ދަންވަރު 1:09 ގައި އޭނާގެ ލައިސެންސް ހިފެހެއްޓީ، ފުލުހަކު ވާހަކަ ދެއްކި ހަރުކަށި ގޮތް ކަމުނުގޮސްގެން އެކަމާއި އޭނާ އެއްޗެއް ވިދާޅުވުމުން ކަމަށެވެ.
"އެއްވެސް ފުލުހަކަށް އިންޒާރެއް ނުދެން، 23 ޖޫން ގެ ދަންވަރު 1:09 ގައި ލައިސެންސް ކާޑު ހިފެހެއްޓީ، އެފުލުހަކު ވާހަކަ ދެއްކި ހަރުކަށިގޮތް އަޅުގަނޑަށް ކަމުނުގޮސްގެން ބުނި އެއްޗަކުން. އަދި މިމައްސަލަ އަޅުގަނޑު އިންޓެގްރިޓީ ކޮމިޝަނަށް ހުށަހަހަޅަން މަސައްކަތް އެބަ ކުރަން" މައިމޫންގެ ޓްވީޓުގައި ވިދާޅުވެފައިވެއެވެ.
މީޑިއާތަކަށް މައުލޫމާތު ދެއްވަމުން ފުލުހުން އެއިރު ވިދާޅުވެފައިވަނީ ދުއްވަމުން މުއާސަލާތީ ވަސީލަތަެއް ބޭނުން ކުރި މައްސަލައެއްގައި ފިރިހެނެއްގެ އެއްގަމު އުޅަނދު ދުއްވުމުގެ ލައިސެންސް ހިފަހައްޓާފައިވާ ކަމަށާއި ލައިސެންސް ހިފެހެއްޓުމުން އެވަގުތު އެތާ ތިބި ފުލުހުންނަށް އިންޒާރުދީ އެމީހާ ބިރުދައްކާފައިވާ ކަމަށެވެ.
އެއީ ކޮން ފަރާތެއްކަން ފުލުހުން ހާމަ ކޮށްފައިނުވި ނަމަވެސް، އެނގިފައިވާ ގޮތުގައި އެއަމަލު ހިންގީ ހައުސިން މިނިސްޓްރީގެ އެގްޒެކެޓިވް ޑިރެކްޓަރ އަހުމަދު މައިމޫން އެވެ. ނަމަވެސް އޭނާ މިއަދު ވަނީ އެތުހުމަތު ދޮގު ކުރައްވާފައެވެ.
Evves fuluhakah inzaar eh nudhen, 23rd June / dhanvaru gadin 1:09 gai, Lisence card hifehetty, e fuluhak vaahaka dhekki harukashi goth alhugandah kamunugosgen buni echakun, Adhi mi mahsaala alhugandu intergrity commission ah husha’alhan massakath eba kuran. @PoliceMv
— Maimoon (@mrsays_) July 29, 2019
