ކުރީގެ ރައީސް އަބްދުﷲ ޔާމީން އަބްދުލް ޤައްޔޫމްގެ މައްޗަށް ދައުލަތުން އުފުލާފައިވާ މަނީ ލޯންޑަރިންގ ދައުވާގެ މިއަދުގެ ޝަރީއަތުގެ މަޖިލިހަށް އެމަނިކުފާނު ވަޑައިގެންފިއެވެ.
ރައީސް ޔާމީން ދިރިއުޅުއްވާ ހ. ދޫވެހިން އެމަނިކުފާނު ކްރިމިނަލް ކޯޓަށް ވަޑައިގެންފައިވާއިރު، އެމަނިކުފާނުގެ ދިފާއީ ވަކީލުންގެ ޓީމު އަދި ޝަރީއަތުގެ މަޖިލިހަށް ވަޑައިނުގަންނަވާ ކަމަށް މައުލޫމާތު ލިބެއެވެ.
އެނގިފައިވާ ގޮތުގައި، ރައީސް ޔާމީނަށް ތާއީދު ކުރައްވާ، އެމަނިކުފާނުގެ ސަރުކާރުގެ ބައެއް އިސްވެރިން، އެމަނިކުފާނު ކޯޓަށް ވަޑައިގެންނެވިއިރު އެމަނިކުފާނު ދިރިއުޅުއްވާ ގެކޮޅު ކައިރިއަށް އެއްވެ ތިއްބެވެ.
އެނގިފައިވާ ގޮތުގައި ރައީސް ޔާމީންގެ ޤާނޫނީ ވަކީލުންގެ ޓީމާއި، ކުރީގެ ނައިބު ރައީސް މުޙައްމަދު ޖަމީލް އަޙްމަދު ވެސް މިއަދު ގުޅިވަޑައިގަންނަވާނެއެވެ.
މިއަދުގެ އަޑުއެހުން ވެސް ޝަރީޢަތް ކޮށްދެއްވަނީ، ކްރިމިނަލް ކޯޓުގެ އިސް ޣާޒީ އަހުމަދު ހައިލަމް އެވެ.
