އެއްފަހަރު ބޭނުންކޮށްފައި އެއްލައިލެވޭ ޕްލާސްޓިކް ފުޅި ބޭނުންކުރުން ސެންފްރެންސިސްކޯ އެއާޕޯޓުގައި މަނާކޮށްފިއެވެ. ޚަބަރުތައް ބުނާ ގޮތުން އޮގަސްޓް މަހުގެ 20 ވަނަ ދުވަހުގެ ކުރިން އެމެރިކާގެ މައި އެއާޕޯޓުގައި ޕްލާސްޓިކް ފުޅި ބޭނުންކުރުން މަނާކުރާނެއެވެ.
ތިމާވެށީގެ މައްސަލަތަކަށް ބީރުކަންފަތެއް ދީގެން ދިގު ޒަމާނެއްގައި އޮތުމަށްފަހު އެމެރިކާއިމން މިހާރު އަންނަނީ ސަމާލުކަން އިތުރުކުރަމުންނެވެ. ނޯތްޕޯލުން ވިރެމުންދާ އައިސްތަކާއިއެކު އެމެރިކާ އާއި ކެނެޑާ މިހާރުވެސް ވަނީ ވަރަށް ބޮޑު ނުރައްކަލުގެ ތެރޭގައެވެ.
2009 ވަނަ އަހަރުން ފެށިގެން ބަލައިފިނަމަ ގުދުރަތީ ކާރިސާތަކުގެ ސަބަބުން ކޮންމެ އަހަރަކުވެސް އެމރިކާއަށް އަށް އަންނަނީ ބޮޑެތި ގެއްލުންތައް ލިބެމުންނެވެ.
