އަންހެނެއްގެ އަތުން ފައިސާތަކެއް ފޭރެން އުޅުނު 18 އަހަރުގެ މީހަކު ފުލުހުން ހައްޔަރުކޮށްފިއެވެ.
މިކަމާގުޅިގެން ފުލުހުން ބުނެފައިވަނީ މިރޭ 07:30 ހާއިރު މަޖީދީމަގު ލަގްޒަރީ ފިހާރަ ކައިރިން ބިދޭސީ އަންހެނެއްގެ އަތުން ފައިސާތަކެއް ފޭރެން އުޅެނިކޮށް ހައްޔަރުކޮށްފައިވަނީ ދިވެހި ފިރިހެނެއްކަމަށެވެ. އަދި މިމީހާ އަތުލައިގަތީ އެވަގުތު ހަރަކާތްތެރިވަމުންދިޔަ ފުލުހުންގެ ޑިއުޓީ އޮފިސަރެއް ކަަމަށްވެސް ފުލުހުންވަނީ ބުންނެފައެވެ.
ފޭރުނު ފައިސާތައް އޭގެ ވެރިފަރާތާ ހަވާލުކޮށް މިމައްސަލަ ފުލުހުން ދަނީ ތަހުގީގް ކުރަމުންނެވެ.
