ވަރލްޑް ޖޫނިއަރ ސްވިމިންގ ޗެމްޕިއަންޝިޕުގައި ފެތުމުގެ ދެ ރެކޯޑެއް އައުކޮށްފިއެވެ.
ހަންގޭރީގައި ކުރިއަށްދާ މި މުބާރާތުގައި ރާއްޖޭގެ އަލީ އިމްއާން އައުކޮށްފައިވަނީ 200 މީޓަރު ބެކްސްޓްރޯކް އަދި 50 މީޓަރު ބެކްސްޓްރޯކް އިވެންޓުންނެވެ.
އޭނާ 200 މީޓަރު ބެކްސްޓްރޯކްގެ ގައުމީ ރެކޯޑް އާކުރީ ދެ މިނެޓު 28.17 ސިކުންތުން ރޭސް ނިންމައިގެންނެވެ.
މީގެކުރިންވެސް މި ރެކޯޑު ހަދާފައިވަނީ އޭނާއެވެ. އެއީ ދެކުނު ކޮރެއާގައި މިދިޔަ މަހު ބޭއްވި ފީނާ ވަރލްޑް ޗެމްޕިއަންޝިޕުގައި ދެ މިނެޓު 33.23 ސިކުންތުން ފަތައިގެންނެވެ.
ފަންސާސް މީޓަރު ބެކްސްޓްރޯކް އިވެންޓުން ޤައުމީ ރެކޯޑް އިމްއާން އާކުރީ 30:86 މިނެޓުން ފަތައިގެންނެވެ.
މި ރެކޯޑުކުރިން އޮތީ މިދިޔަ އަހަރު އޭޝިއަން ގޭމްސްގައި 31.95 މިނެޓުން ރޭސް ނިންމައިގެން ހުސެއިން ހާއިޝް ހަސަން އަތުގައެވެ.
މިހާރު އެވޯޑްސްގައި ހޮވި މިދިޔަ އަހަރުގެ އެންމެ އުއްމީދީ އިންޑިވިޖުއަލް ފިރިހެން ކުޅުންތެރިޔާގެ އެވޯޑަށް ވާދަކޮށްފައިވާ އިމްއާން އަންނަނީ ހަންގޭރީގައި ކުރިއަށްދާ މުބާރާތުގައި ރަނގަޅު ކުރިއެރުމެއް ފެންނަމުންނެ
