އެމެރިކާގެ އަލަބާމާގަ 14 އަހަރުގެ ފިރިހެން ކުއްޖަކު ބައްޕަ އާއި ދޮންމަންމަ ހިމެނޭ ގޮތުން ޢާއިލާގެ 5 މީހުންގެ ގައަށް ބަޑިޖަހާ މަރާލައިފިއެވެ.
މައްސަލަ ފުލުހުންނަށް ރިޕޯޓްކުރީވެސް އޭނާއެވެ. އެއިރު ބުނީ މަތީ ބުރީގަ ބަޑި ޖެހި އަޑު އިވުނު ކަމަށާއި ބަޑިޖެހީ ކާކުކަން ނުއެނގޭ ކަމަށެވެ. ނަމަވެސް ފަހުން ވަނީ ބަޑިޖަހައި ޢާއިލާގެ 5 މީހުންވެސް މެރީ އޭނާ ކަމަށް އެއްބަސްވެފައެވެ.
ސުވާލަކީ ދެންވެސް އޭނާ އާއި މެދު އަމަލުކުރަން ޖެހޭނީ ކުޑަކުއްޖަކާއިމެދު އަމަލުކުރާ އުޞޫލުން ހެއްޔެވެ؟ އިނގިރޭސިވިލާތުގައި މީހަކު މެރި މައްސަލައެއްގައި 17 އަހަރުގެ ކުއްޖަކަށް ވަނީ 37 އަހަރުގެ ޖަލު ޙުކުމެއް އިއްވައިފައެވެ.
