ރޭ ހިނގި ބޮޑު އަލިފާނުގެ ހާދިސާ އާއި ގުޅިގެން ދިވެހިން ދެއްކީ އެކުވެރިކަމުގެ ލާމަސީލު ނަމޫނާއެކެވެ. އެހީއަށް އެދުމާއިއެކު ރައްޔިތުންގެ ގިނަ ބއަކު ތަކެތި "އޮއްސަން" ފެށުމުން ސަރުކާރަށް ޖެހުނީ އެކަން ކޮންޓްރޯލް ކުރާށެވެ.
މީގެ އިތުރުން ބައެއް މީހުން ވަނީ ހިލޭ ބޯހިޔާވަހިކަން ފޯރުކޮށްދޭން ތައްޔާރަށް ތިބިކަން ވެސް ވަގުތުން ހާމަކޮށްފައެވެ. "އަޅުގަނޑަށް ދެޢާއިލާއަށް ބޯހިޔާވަހިކަން ފޯރުކޮށްދެވިދާނެ. ބޭނުންނަމަ 7692806 އަށް ގުޅުއްވާ" ފަދަ މެސެޖުތައް ސޯޝަލް މީޑިއާގައި ވަނީ ވަގުތުން ޢާންމުކޮށްފައެވެ.
ދިވެހިންނަކީ ޒަމާނުންސުރެ މިފަދަ ކަންކަމުގައި އެއްބައިވަންތަކަން ދެއްކުމުގައި ދުނިޔެއަށްވެސް ނަމޫނާ ބައެކެވެ. އިސްލާމީ ރިވެތި އަޚްލާޤަކީ މިކަމުގެ އެންމެ ބޮޑު ސަބަބެވެ.
ޕޮޓޯ ސޯސަލްމީޑިއާ
