ދީނީ އިލްމުވެރިންގެ ބައްދަލުވުން ޝީ ބިލްޑިންގގައި ބާއްވާ ކަމުގެ ޚަބަރުތައް މީޑިއާގައި ޢާންމުކުރުމުން ރާއްޖޭގެ ސިޔާސީ ކަންކަމަށް ފާޑުކިޔާ އިސް މީހަކު ފޮރުވިގެން ހުރެ ވަގުތުން ސޯޝަލް މީޑިއާގައި ކުރި ސުވާލަކީ "އިތުރު އާޔަތެއް ނޫނީ ސޫރަތެއް ބާވައިލެއްވީތޯ؟" އެވެ. ގިނަ ބައަކަށް އެއީ ކާކު ބުނި ބަހެއްކަން އެނގޭނެއެވެ.
މިއީ މިއަދު ރާއްޖޭގެ ސިޔާސީ ޙާލަތު އޮތް ގޮތް ވަރަށް ރަނގަޅަށް އެނގިގެން ދިއަ ކަމެކެވެ. ޤައުމުގެ ކަންކަމަށް ފާޑުކިޔައި ސިޔާސީ ލަފާ ދެމުން ގެންދާ މީހުންގެ އަޞްލު ޙަޤީޤަތް އެނގިގެން ދިއަ ކަމެކެވެ.
ކީރިތި ޤުރްއާން ބާވައި ލެއްވެވުނީ ރަސޫލް (ޞޢވ) އަށް ކަމާއި އެފޮތަށް އެއްވެސް އުނި އިތުރެއް ނުއަންނާނެކަން އެއީ އެއްވެސް މުސްލިމަކު ޝައްކު ކުރާނެ ކަމެއް ނޫނެވެ.
ވީމާ މިވަގުތު ރާއްޖޭގައި ކަންކަން ހިނގަމުން މިދާ ގޮތާއިމެދު ފުންކޮށް ވިސްނައިލުން އެއީ ކޮންމެ މީހަކަށްވެސް ކުރަން ޖެހިފައިވާ ކަމެކެވެ. ދީނީ އަދި ޤައުމީ މަސްއޫލިއްޔަތެކެވެ.
