މިމަހުގެ 14 ވަނަ ދުވަހު ރާއްޖެ ވަޑައިގަންނަވާ މަޝްހޫރު ދީނީ ޢިލްމުވެރިޔާ، އިސްމާއީލް މެންކެ މާލޭގައި ދެއްވާ ދަރުސް ބާއްވާނީ 14 ވަނަ ދުވަހުގެ ރޭ އަލިމަސް ކާނިވާ ސަރަހައްދުގައެވެ.
މީގެ އިތުރުން 15 ވަނަ ދުވަހު އައްޑޫ ސިޓީގައި އަދި 16 ވަނަ ދުވަހު ކުޅުދުއްފުށި ސިޓީގައިވެސް މުފްތީ މެންކް ދަރުސް ދެއްވާނެއެވެ. އަދި 17 ވަނަ ދުވަހު މަސްޖިދު މުޙައްމަދު ތަކުރުފާނުލްއަޢްޒަމް (އިސްލާމީ މަރުކަޒް)ގައި އިމާމްވެ ހުކުރު ކުރައްވާނީވެސް މުފްތީ މެންކްއެވެ.
މުފްތީ މެންކަކީ ދަރުސް ދެއްވާއިރު ވީހައި ގިނަ ބައަކަށް ފަހުމްވާނެ ގޮތަށް އިސްކަން ދެއްވައިގެން ވަރަށް ތިލަ ބަހުން ދަރުސް ދެއްވަމުން ގެންދަވާ ޢިލްމުވެރިއެކެވެ.
