ޗައިނާއިން ފެނި ދުނިޔެއަށް ފެތުރެން ފަށާފައިވާ ކޮރޯނާ ވައިރަސް ބަލި ރާއްޖެއަށް ވެސް އެތެރެވުމުގެ ފުރުސަތު އޮތުމުން، ރާއްޖޭގެ އެއާޕޯޓުތަކުގައި ބަލި ދެނެގަތުމަށް ސްކްރީން ކުރުމުގެ ކަންކަން ވަރުގަދަކޮށް ޢާންމުކޮށް އިޢުލާނުކުރަން ޖެހިފައިވާކަމަށް ޑރ. އަބްދުﷲ ނިޔާފް ވިދާޅުވެއްޖެ އެވެ.
ރާއްޖޭގައި ޞިއްހީ ކަންކަމަށް ރައްޔިތުން ހޭލުންތެރިކުރުވުމުގެ ގޮތުން ގިނަ މަސއްކަތްތަކެއް ކުރައްވަމުން ގެންދަވާ ޑރ. ނިޔާފް ކުރެއްވި ޓްވީޓުގައި ވިދާޅުވެފައިވަނީ އެކި ގައުމުތަކުން މި ބަލި ފެންނަން ފެށުމާއިއެކު، ގިނަ ގައުމުތަކަކުން މިހާރުވެސް ވަނީ އެއާޕޯޓުތަކުގައި ބައްޔަށް ސްކްރީންކުރުމުގެ ކަންކަން ވަރުގަދަކޮށްފައި ކަމަށެވެ.
"މިހާރު ރާއްޖޭގައި ވެސް ފިޔަވަޅުތައް އަޅައި އެކަން ރަސްމީކޮށް އިއުލާން ކުރަން ޖެހޭ ވަގުތު އައިސްފައި މިވަނީ! ފިޔަވަޅުތަކެއް އަޅައި ތަންފީޒު ކުރެވެމުންދާކަން ރައްޔިތުންނަށް އެނގެން ޖެހޭނެ!" ކަމަށް ވިދާޅުވެ އެ އިތުބާރު އުފައްދައިދދިނުމަށް ޑރ. ނިޔާފް ވަނީ އެދިވަޑައިގެންފައެވެ.
ޑރ. ޢަބްދުﷲ ނިޔާފް އަކީ އޭޑީކޭ ހޮސްޕިޓަލުގައި ޚިދުމަތް ކުރައްވަމުން ގެންދަވާ ކުޑަކުދިންގެ ޚާއްޞަ ޑޮކްޓަރެކެވެ.
Re: 2019-nCoV,@HPA_MV, it looks like it’s time to have the surveillance vigilance formally, publicly and visibly implemented at our airports.
— Abdulla Niyaf (@niyaf) January 22, 2020
Most countries have. And announce the measures too. Everyone must know and see that the measures are implemented. Create confidence. Pls.
