އަންނަ މަހުގެ 1 އާ ހަމައަށް މާލެ ސަރަައްދު ލޮކްޑައުން ކުރުމާ ގުޅިގެން، މިދުވަސްވަރު ބަލި މީހުންނަށް ފަރުވާ ދިނުމުގައި ގިނަ ދަތިތަކެއް ހުރުމުން އައިޖީއެމްއެޗްގައި އޮންލައިން ކްލިނިކްތަކެއް ހުޅުވައިފިއެވެ.
އައިޖީއެމްއެޗުން ބުނެފައިވަނީ މީގެތެރެއިން މާދަމާ 8 ކްލިނިކެއް ހުޅުވަން ނިންމާފައިވާ އިރު މިއިން ކޮންމެ ކްލިނިކަކުން ދުވާލަކު 10-15 ވަރަކަށް މީހުންނަށް ޚިދުމަތް ދޭނެ ކަމަށެވެ. އަދި މިކްލިނިކްތަކުގެ ޚިދުމަތް ހޯމަ، ބުދަ އަދި ހޮނިހިރު ދުވަހުގެ ހެނދުނު 9 ން މެންދުރު 1 އަށް ލިބޭނެއެވެ.
މީގެ ކުރިން އަންހެނުންގެ ބަލިތަކަށް ފަރުވާދޭ ކްލިނިކާއި ނަފްސާނީ ބަލިތަކުގެ ކްލިނިކްގެ ހިދުމަތް ދޭން ފަށާފައިވާއިރު މި ކްލިނިކްގެ ޚިދުމަތް ލިބޭނީ ހެނދުނު 8:30 ން މެންދުރު 12:00 އަށެވެ.
އަދި މީގެއިތުރުން ނަފްސާނީ ބަލިތަކާ ބެހޭ ޑިޕާޓްމެންޓު ހުޅުވާފައި ހުންނާނީ ހެނދުުނު 10 ން މެންދުރު 12 އަށެވެ.
