ލޮކްޑައުންގެ ޙާލތަށް ގެނައި ބަދަލުގައި މަސް މާރުކޭޓް "ހުޅުވީ" ރައްޔތުން މަސްގަތުމަށް ނޫން ކަމަށް މާލެ ސިޓީގެ މޭޔަރ ޝިފާ މުޙައްމަދު ވިދާޅުވެއްޖެއެވެ.
މިރޭ ބޭއްވި ނޫސްވެރިންގެ ބައްދަލުވުމުގައި ޝިފާ ވިދާޅުވީ އެއްވެސް މީހަކު މަސް ގަންނަން މާރުކޭޓަށް ނުދިއުމަށް އެދިވަޑައިގަންނަވާ ކަމަށެވެ. އަދި އޮންލައިންކޮށް މަސްގަންނަމުން ދިއުމަށް އެދިވަޑައިގަންނަވާ ކަމަށެވެ.
މަސްމާރުކޭޓް މިއަދު ހުޅުވާ ކަމުގެ ޚަބަރު ފެތުރުމާއި ގުޅިގެން މިއަދު ގިނަ ބައަކު ވަނީ މަސްގަންނަން މާރުކޭޓަށް ގޮސްފައިކަން ފާހަގަކުރެވެއެވެ.
