ކޮންމެ ގޮތަކުން ނަމަވެސް މި ކެންޕޭނުގައި ބައިވެރިވެލައްވާށެވެ! މިރޭ ޙާޞިލުކުރެވެން އޮތް ބޮޑު ފައިދާ ޙާޞިލުކުރަމާ ހިނގާށެވެ! މި ކެންޕޭނުގައި ކޮންމެ ކިޔުންތެރިއަކަށް ވެސް ދެ ގޮތަކަށް ބައިވެރިވެވިދާނެއެވެ.
1 ތިމާ އަމިއްލައަށް ބައިވެރިވުން
2 އެކުވެރިންނަށް ދައުވަތުދީ ބައިވެރިކުރުވުން (އެކުވެރިންނަށް ދަޢުވަތުދޭން ކޮށްލަދޭންވީ ކަމަކީ މިލިޔުން ޝެއާކޮށްލުމެވެ. އެއިރުން އެވަނީ އިވެންޓަށް ދަޢުވަތު ދެވިފައެވެ.
ކެންޕޭނުފެށުން އޮންނަތަނާ ވަޤުތު: ކެޕޭން ފެށުމުގެ ރަސްމިއްޔާތު ފޭށޭނީ މިރޭ 4:42 (މާލެ ސަރަހައްދު ނަމަ) ގައި ހުރިހާ މިސްކިތްތަކުގަވެ!
ޑްރެސްކޯޑް: ކެންޕޭނުގައި ބައިވެރިވާން ހާޒިރުވާންވީ ސާފުތާހިރުފޭރާމުގައެވެ. އަތުގައި ހުރިނަމަ ހުވަނދުލައި ގައިން މީރުވަސްވެސް ދުއްވައިލާށެވެ!
ކެންޕޭނުގައި ބައިވެރިވެ ކުރަންޖެހޭނީ 2 ކަމެކެވެ!
1 ދުނިޔެއާއި ދުނިޔޭގައިވާހައި އެއްޗަކަށްވުރެ ﷲ ތައާލާގެ ޙަޟްރަތުގައި ލޮބުވެތިކަންބޮޑުވެގެންވާ ފަތިސް ނަމާދުގެ އިހުސުންނަތުގެ 2 ރަކްޢަތްކުރުން
2 ﷲ ތަޢާލާގެ ޙަޟްރަތުގައި އެންމެ ލޮބުވެތިކަންބޮޑުވެގެންވާ ނަމާދުކަމުގައިވާ ޖަމާޢަތުގައި ކުރާ ހުކުރު ދުވަހުގެ ފަތިސްނަމާދުކުރުން
Ibn Umar reported: The Messenger of Allah, peace and blessings be upon him, said, “Verily, the best of prayers to Allah is the dawn prayer in congregation on Friday.”
Source: Shu’ab al-Imān 2790
މިސްކިތްތަކުގައި މިހާރު ނަމާދުކުރުން އަވަސްކޮށްފައިވާތީ ބަންގިގޮވަން ފަށާތާ 15 މިނިޓްއިރުގެ ތެރޭގައި މި ޚާއްޞަ އިވެންޓް ނިމިގެންދެއެވެ.
ކޮންމެ މީހަކަށް ނަމަވެސް ކުރެވޭނެ އެންމެ މުހިންމު ކެންޕޭނަކީ ﷲ ތަޢާލާ ފަރުޟޫ ކުރެއްވެވި ކަންކަމުގެ ތެރެއިން އިހްމާލުވެވި ދޫކޮށްލެވެމުންދާ ކަންކަން ކުރުމުގެ ރޫޙު އުފެއްދުމުގެ ކެންޕޭނެވެ. އެހެނީ އެކަންކަމަށް މީސްތަކުންގެ ސަމާލުކަން އިތުރުކުރެވިއްޖެނަމަ އެބައަކަށް ބޭނުންވާ ކަންކަން ޙާޞިލުކުރެވޭނެ ފަސޭހަމަގު ﷲ ތަޢާލާ ދައްކަވާނެތެވެ! އިން ޝާ ﷲ
ﷲ ތަޢާލާ އާއި ކުއްތަންވެ ބޮޑެތި ބޮޑެތި ޘަވާބު ފުނިތައް ލިބިގަތުމުގެ ނިޔަތުގައި ކުރާ ކަންކަން ލަސްކުރުމެއް ނެތެވެ. އޮތީ އަވަސްވެގަތުމެވެ. މިރެއަކީ މިފަދަ ކެންޕޭނެއް ފަށަން ވަރަށް މުހިންމު ރެއެކެވެ. މިރޭ މުހިންމު ވަނީ މިރޭ ފާއިތުވެއްޖެ ނަމަ ދެން މިރޭ އަޅުގަނޑުމެންނާއި ބައްދަލުކުރާނީ 6 ދުވަސްފަހުން ކަމުގައިވާތީއެވެ.
