ދަރިންނަށް ފައިދާހުރިކަންކަން ކޮށްދޭން ޚަރަދުކުރާނެ ފައިސާ އަތުގައި ނެތްކަމަށްބުނާއިރު ދުންފަތަށާއި އެނޫންވެސް ބޭކާރު، ތިމާއަށާއި ޢާއިލާއަށް އެއްވެސް ފައިދާއެއް ނުކުރާނެ ގެއްލުންހުރިކަންކަންކަންކުރަން ކޮންމެ ދުވަހަކު އެތައް ބައިވަރު ފައިސާ އެބަ ޚަރަދުކުރެއެވެ.
އެފަދަ މީހުންނާއި ކަންކަން ކުރާނެ ފައިސާ އަތުގައި ހުރި މީހުންވެސް ތިރީގައިމިވާ ލިޔުންކޮޅު ކިޔައިލުން ރަނގަޅުވާނެއެވެ.
"ގޭތެރޭގެ މާހައުލަކީ ދެވަނައަށް އެންމެ އިސްކަމެއް ދޭންޖެހޭ މާހައުލެވެ. ކަމެއް ނެތި ކުދިން ގަނަތެޅެންވެއްޖެ ކަމަށްވާނަމަ އެކުދިންގެ ނަފްސާނީ ތަރައްގީއަށް ހުރަސްތަކެއް ކުރިމަތިވާނެއެވެ. ލޮބުވެތި ބަފައިންނޭވެ! ދަރިންނަށްޓަކައި ޖާނާއި މާލުން ގުރުބާންވާ ބައްޕައިން މަދެއް ނޫނެވެ. އެހެން ނަމަވެސް އަހަރެމެންނަށް ނޭނގި ކުރެވޭ ވަރަށް ގިނަ އިސްރާފުތަކެއްގެ ސަބަބުން ދަރިންގެ މުސްތަގުބަލަށް ހުރަސް އެޅޭކަން އަހަރެމެންގެ ތެރެއިން ގިނަ ބަޔަކަށް ނޭނގެއެވެ. ވަކިން ޚާއްސަކޮށް ދުންފަތުގެ އިސްތިއުމާލުކުރާނަމަ މިކަމުގެ ގެއްލުން އަދި މާބޮޑެވެ. ހަފުތާއެއްގެ މައްޗަށް ގާތްގަނޑަކަށް މަދުވެގެން ފަސް ސަތޭކަ ރުފިޔާ ދުންފަތަށް ހޭދަކުރާނަމަ، އެ ފަސް ސަތޭކަ ރުފިޔާއަށް ދަރިފުޅަށްޓަކައި ދިހަ ބާރަ ފޮތް ގަނެވޭނެކަން އެނގެނީ އަހަރެމެންގެ ތެރެއިން ކިތައް ބައްޕައިންނަށް ހެއްޔެވެ؟
ޅަ އުމުރުގައި ދަރިފުޅު ކިޔާ އެންމެ ފޮތެއްގެ އަސަރު އެދަރިފުޅުގެ ސިކުނޑީގައި އެތައް އަހަރެއް ވަންދެން ހަރުލާފައި ހުރެއެވެ. އެފޮތުގެ ސަބަބުން އެދަރިފުޅު އެތައް ހުނަރެއް އެއްފަހަރާ ދަސްކުރެއެވެ. އެފޮތުގެ ސަބަބުން މުވާސަލާތު ކުރުމުގެ ހުނަރު ތަރައްގީވެއެވެ. އެފޮތުގެ ސަބަބުން ދަރިފުޅު މުނިފޫހިފިލައެވެ. އެފޮތުގެ ސަބަބުން ދަރިފުޅުގެ ސިކުނޑީގައި އެތައް ހުނަރެއްގެ ބިންގާ އެޅިގެންދެއެވެ. ވަޒީފާގެ ސަބަބުން ބައްޕައަށް ދަރިފުޅަށް ނުދެވޭ އެތައް ވަގުތެއް އެއްކަލަ ފޮތްތަކުގެ ސަބަބުން ފުރިގެންދެއެވެ. ދަރިފުޅު ބުނާ ކަހަލައެވެ. ލޯބިވާ ބައްޕާއެވެ! ދުންފަތަށް ކުރާ ހޭދައިގެ ބަދަލުގައި އަހަރެންނަށް ފޮތް ގަނެދޭށެވެ. އެހެން ނޫނީ އަހަރެން ވެސް ބޮންސާއި ގަހެއް ހެން ގުރުޑު ވެދާނެއެވެ.
ފޮތް ކިޔުމާ ދަރިން ދުރުވާނަމަ އެކުދިންގެ ނަފްސާނީ ދުޅަހެޔޮކަމަށް ވަރަށް ބޮޑެތި ނޭދެވޭ އަސަރުކުރެއެވެ. މުވާސަލާތުކުރުމުގެ ހުނަރުން ފެށިގެންގޮސް ރުޅިގަދަވެ ބޮޑާހޭކުމާ ހަމައަށެވެ."
- މަސްދަރު: ދިސަލަފިއްޔާ
