ލޮބުވެތި މައިންބަފައިނޭވެ! ކުދިން ގުރުޑުވާން ދިމާވާ އެންމެ ބޮޑު ޒަމާނީ ސަބަބުތަކުގެ ތެރޭގައި ސްކްރީންތަކާ ދޯޅުވުން ހިމެނެއެވެ. ކުދިންގެ ފަރާތުން ސަލާމަތްވުމަށްޓަކައި އެކުދިން އަތަށް ފޯނާއި ޓެބްލެޓް ނުދޭށެވެ. މައިތިރި ކުރުމަށްޓަކައި ޓީވީ ނުދައްކާށެވެ.
ހެޔޮނުވާނެއެވެ. އެކުދިން އެންމެ އަޑުއަހާހިތްވަނީ ތިޔަ މައިންބަފައިންގެ އަޑެވެ. އެކުދިންނަށް އަމިއްލަ ތަޖުރިބާއިން ވާހަކަތައް ކިޔައިދޭށެވެ. އެކުދިންނާއިއެކު ކުޅެ، ފޮތްކިޔައި، ކުލަޖައްސައި ހަދާށެވެ. ގޭތެރެއިން ނަމަނަމަ ކުލައާއި ކުލަފަންސުރާއި ކަރުދާސް ހުސްނުކޮށް ލިބޭނެ އިންތިޒާމް ހަމަޖައްސައިދޭށެވެ. އެކުދިން ބޭނުން އެއްޗެއް ބޭނުން ގޮތަކަށް ކުރަހައި، ލިޔެ ހަދަން އެ އެއްޗެހިތައް ދޭށެވެ. ހުސްވާއިރަށް ގަނެދޭށެވެ. އެއީ އެކުދިންގެ ހިތުގެ ކާނާ ކަމުގައި ވެސް ވެދާނެއެވެ. ނަމަނަމަ ކަންކަން ކުރުމުގައި ކުދިންނަށް ބުރަބޮޑު ނުކުރާށެވެ. އެކުދިން ބޮލަށް ތުރާވާ ވަރަށް އެކުދިންނަށް އުނދަގޫ ނުކުރާށެވެ. ނޫނީ އަހަރެމެންގެ ލޮލުގެ ފިނިކަން ކަމުގައިވާ ކުދިންކޮޅު ގުރުޑުވެ ބޮންސާއި ވާން ފަށާފާނެއެވެ.
މަސްދަރު: ދިސަލަފިއްޔާ
