ބައެއް މީހުން ދަމުނަމާދުކުރަން ބޭނުންވެއެވެ. ނަމަވެސް ނުކުރެވެނީއެވެ. ސަބަބެއްކަމުގައި ވެފައި އޮންނަނީ ދަންވަރު 2 ގެ ފަހުން ހޭލައިގެން ނޫނީ ދަމުނަމާދުކުރުމުގެ ޤަޞްދު އޮންނަމިންވަރު ބޮޑުކަމެވެ. ނަމަވެސް ނިދުމަށްފަހު އެ ވަގުތު ނުހޭލެވެތީ ނުކުރެވެނީ އެވެ.
މިފަދަ ކަންކަން މެދުވެރިވެދާނެކަމަށްޓަކައި އޮތީ ނިދުމަށްފަހު ދަމުނަމާދު ކުރަން ނުހޭލެވޭ ނަމަ ޢިޝާ ނަމާދަށްފަހު ދަމު ނަމާދުކޮށްގެން ނިދުމެވެ.
ނިދުމަށްފަހު ނުހޭލެވޭނެ މީހުންނަށް ޢިޝާ ނަމާދަށްފަހު ދަމުނަމާދު ކުރެވިދާނެއެވެ. އަދި އެއިގެފަހުން ނިދުމުގެ ކުރިން ދަމު ނަމާދުކޮށްގެންވެސް ނިދިދާނެއެވެ.
ދަމުނަމާދު ކުރުން އެންމެ ރަނގަޅީ ރޭގަނޑުން ބައެއްގައި ނިދުމަށްފަހު ހޭލައިގެންނެވެ. ނަމަވެސް ނިދުމަށްފަހު ހޭނުލެވިދާނެ ކަމަށް ޤަބޫލުކުރެވޭނަމަ ޢިޝާ ނަމާދުކުރުމަށްފަހު ކޮންމެ ވަގުތަކު ވެސް ދަމު ނަމާދު ކުރެވިދާނެއިރު އެންމެ މުހިންމީ ދަމުނަމާދުކޮށްގެން ނިދުމެވެ.
މައްސަލައަށް އޮތް އެންމެ ރަނގަޅު އެއް ޙައްލަކީ ޢިޝާ ނަމާދަށްފަހު ވިތުރީގެ 2 ރަކްޢަތް ނަމަވެސް ކޮށްގެން އަވަހަށް ނިދައި ފަތިސް ނަމާދުގެކުރިން ހޭލައި ދަމުނަމާދާއި ވިތުރީގެ ފަހު 1 ރަކްޢަތް ކުރުމެވެ.
- އިސްލާމީ ތިލަފަތުގެ ދަރުސަކުން
