އޮނަސައްތަ އިސްމްފުޅުގެ ތެރެއިން السَّلاَمُ
(ސަލާމަތްކަން ދެއްވާ ރަސްކަލާނގެ)
1 ބުނެވޭ ގޮތުގައި ހުން އައުމުން (قُلْنَا يَا نَارُ كُوْنِى بَرْدًا وَسَلاَمًا عَلَى إِبْرَاهِيم) މިއާޔަތް ކިޔެވުމުން ހުމުގެ އުނދަގޫތައް ލުއިކޮށް ދެއްވާނެއެވެ.
2 "އައްސަލާމް" މިނަންފުޅުން ދުޢާ ދަންނަވާމީހާ ޝައިޠާނާގެ ވަސްވާހުންނާއި، މަކަރާއި ޙީލަތުން ސަލާމަތް ކޮށްދެއްވާނެއެވެ.
3 ބަލިމީހެއްގެ ގާތުގައި އޭނާއަށް ޝިފާދެއްވުމަށް އެދި 121 ފަހަރު މިނަންފުޅު ކިޔަވައިފިނަމަ އެބަލިން އެމީހަކު ސަލާމަތް ކޮށްދެއްވާނެއެވެ. އެއީ މަރުބަލި ކަމުގައި ނުވާނަމައެވެ.
4 ބުނެވޭ ގޮތުގައި ކޮންމެ ދުވަހަކު 100 ފަހަރު السلام عليك أيها النبى ورحمة الله وبركاته ކިޔާ އުޅުނު މީހާއަށް މަރުގެ ވޭންތަކެއް ނުދައްކަވާނެއެވެ. އަދި އޭނާއަށް ކުރިމަތިވާ ބުރަކަންތައްތައް ލުއި ކޮށްދެއްވާނެއެވެ. އަދި މާތްﷲގެ އިޒްނަފުޅުން އޭނާއަށް ބުރަކަމެއް ނުޖައްސަވާނެއެވެ.
(1992 ވަނަ އަހަރު އަލްއުސްތާޛް އިބްރާހީމް ރަޝީދު މޫސާ ލިޔުއްވާފައިވާ އޮނަސައްތަ އިސްމުފުޅު ފޮތުން)
