ޖަމާއަތުގައި ސަފުހަދަންވީ ގޮތް ވިދާޅުވެދެއްވާ ބައެއް ޢިލްމުވެރިން، ދިރިއުޅުވާ ގެއާއި އިންވެގެން މިސްކިތް ހުންނައިރުވެސް ފާއިތުވީ ބައިޤަރުނަށްވުރެ ގިނަ ދުވަހު ޖަމާއަތަށް ނަމާދަށް ވަޑައިގަންނަވަނީ ރާއްޖޭގެ ޙާލަތު ނުރައްކާކަމުގެ ބޮޑުކަމުންތޯ؟ މިއީ ގިނަބައަކު މިއަދުކުރާ ސުވާލެވެ.
"ނަމާދުގައި ސަފުހަދަންވީ ގޮތް ވަނީ ސުންނަތުގައި ސާފުކޮށް ބަޔާންކުރައްވާފައެވެ. އެއީ ފައާއިފައި އަދި ކޮނޑާކޮނޑުޖެހޭ ގޮތަށް ގާތްގާތުގައި ތިބުމެވެ. ސުންނަތުގައިވާ ގޮތަށް ބަދަލު ގެނައުމުގެ ބާރު އެއްވެސް މަޚްލޫޤަކަށް ލިބިގެނެއް ނުވެއެވެ."- ޑރ. މުޙައްމަދު އިޔާޟް ޢަބްދުއްލަޠީފް
މިސްކިތްތައް ހުޅުވައި ނަމާދުކުރުމާއި ސަފުހެދުމުގައި ސުންނަތަށް ޢަމަލުކުރުމުގެ ނަތީޖާ ސައުދިޢަރަބިޔާ އާއި ޕާކިސްތާނުން އޮތީ ފެންނާށެވެ. ސުންނަތް ދޫކޮށްލި، ތަނަވަސްކަން ލިބި ވަސީލަތްތައް ފުރިހަމަ ސައުދިޢަރަބިޔާ އޮތީ ދުނިޔޭގެ ކޮރޯނާ ލިސްޓުގެ 17 ވަނައިގައެވެ. މިސްކިތްތައް ހުޅުވައި ސުންނަތަށް ޢަމަލުކުރާ، ހުރިހާ ގޮތަކުންވެސް މާނިކަމެތި ޙާލުގައި އޮތް ޕާކިސްތާނު އޮތީ ސައުދިޢަރަބިޔާއަށްވުރެ 4 ދަރަޖަ ފަހަތުގަ ލިސްޓުގެ 21 ވަނައިގައެވެ.
2020 ގެ ބިދުޢައަށް ތާއީދުކޮށް ފަތުރަން ހިތްވަރުދޭ މީހުންގެ ތެރޭގައި ފާއިތުވި ބައި ޤަރުނަށްވުރެ ގިނަ ދުވަހު މިސްކިތުގެ ޖަމާއަތުގެ ނަމާދަށް ނުދާ މީހުން ހިމެނޭކަން އެއީ އެ ފަތުރާ ބިދުޢާގެ ހުރި ނުރައްކައުތެރިކަން އެނގިގެންދާ ކަމެކެވެ.
