އިސްލާމް ދީން ދެކެ ލޯބިވާ ސިޔާސީ ވެރިއެއް ނެތްކަން މިކަމުން ހާމަވެއްޖެ ކަމަށްވިދާޅުވެ
ދިވެހިރާއްޖެއަކީ މިހާރު ހަމަ އިސްލާމީ ޤައުމެއްތޯ އާއި ރާއްޖޭގެ ވެރިންގެ ކިބައިގައި އީމާންކަމުގެ ޒަރެއްގެ މިންވަރުވެސް ނެތީތޯ؟ ޝައިޚް ޢަބްދުﷲ ސަޢުދާން ސުވާލު އުފައްދަވައިފިއެވެ.
"މިއީ މިހާރު ހަމަ އިސްލާމީ ޤައުމެއްތޯ ސުވާލު އުފެދޭ! ވެރިންގެ ކިބައިގައި އީމާންކަމުގެ ޒަރެއްގެ މިންވަރުވެސް ނެތީތޯ؟ ދީން ދެކެ ލޯބިވާ ސިޔާސީ ވެރިއެއް ނެތްކަން މިކަމުން ހާމަވެއްޖެ!"
ޝައިޚް ސަޢްދާން މިފަދަ ބަސްފުޅެއް ވިދާޅުވެފައިމިވަނީ 100% މުސްލިމް ދިވެހިރާއްޖޭގެ ވެރި ރަށް ފުރަ މާލޭ މަގުމަތީގައި އިންޑިއާ މީހަކު ﷲ އަށް ފުރައްސާރަކޮށް ހަޑި ހުތުރު އެއްޗެތިގޮވުމުން ފުލުހުންގެ ބެލުމުގެދަށަށް ގެންގޮސްފައި ހުއްޓަި 24 ގަޑިއިރު ނުވަނީސް ކޯޓުން އޭނާ މިނިވަންކޮށް ދޫކޮށްލުމާއި ގުޅިގެންނެވެ.
