މައްސަލަތައް ކުރިމަތިވާފަދައިން ކޮންމެ މައްސަލައެއްވެސް އައިފަދައިން އެނބުރިދާނެއެވެ. ވީމާ އެއީ ޙަޔާތަށް ކުރިމަތިވި އެންމެ ބޮޑު ކަންތައް ކަމުގައި ނުދެކޭށެވެ! މުސްތަޤްބަލް މަރައިލާ ކަމަކަށް ނުހަދާށެވެ!
ކިތަންމެ ވަރަކަށް ކަންބޮޑުވިނަމަވެސް ކުރާނެ އެއްވެސް ފައިދާއެއް ނެތެވެ. އެހެނީ ހުރިހާ ކަމެއްގެ ކޮންޓްރޯލްވެސް ވަނީ ﷲ ތަޢާލާގެ ޙަޟްރަތުގައެވެ. ހުރިހާ މައްސަލަތަކެއްގެ ޙައްލުވެސް ވަނީ އެކަލާނގެ ޙަޟްރަތުގައެވެ. އެއްވެސް މީހަކަށް އެއްވެސް ބާރެއް ނުފޯރުވޭނެއެވެ.
ކިތަންމެ ގިނަ މައްސަލަތަކެއް ކުރިމަތިވެފައިވީނަމަވެސް ފިއްލަވަން އިރާދަކުރައްވަވައިފިނަމަ ހިނދުކޮޅެއްގެ ތެރޭގައި އެއްފަހަރާ ހުރިހާ މައްސަލަތަކެއް ފިލުއްވެވުމަށްވެސް ކުޅަދުންވަންތައެވެ. ވީމާ ހުރިހާ ޙައްލަކީވެސް ގިނަގިނައިން ދުޢާކޮށް ޙައްލުކުރައްވަވައި ދެއްވެވުމަށް އެދުމެވެ! ދުޢާކުރުން ގިނަކުރާށެވެ!
- އިސްލާމީ ތިލަފަތުގެ ދަރުސަކުން
