ބްރިޖް ނިންމައި ހުޅުމާލޭ ހައިވޭމަތީގައި ދުއްވާއިރު ނުވަތަ ހުޅުމާލެއިން ބްރިޖަށް އަންނައިރު ހައިވޭމަތިން ޖިންނި ނުވަތަ ރޫޙާނީ ކަންކަން ފެންނަވާވާހަކަ އެބަދެކެވެއެވެ. އެހެންކަމުން އެއީ ހަމަ ޙަޤީޤަތެއްކަމާއިމެދު ގިނަ ބައަކު ދަނީ ސުވާލުއުފައްދަމުންނެވެ.
ހުޅުލެއަކީ މިހާރު ރައްކައުތެރި ރަށެއް ކަމަށް ބެލިނަމަވެސް ހުޅުލެއާއި ގުޅިފައިވާ ބިރުވެރިކަންކަން ވަނީ ފެނިފައެވެ. ކެޑޭޓް ކޭމްޕްދިއަ މަޖީދިއްޔާ ކުދިންތަކަކަށް ކުރިމަތިވި ބޮޑު ބިރުވެރިކަމުގެ ވާހަކައަކީ އެންމެ މަޝްހޫރު އެއްވާހަކައެވެ. ޤަބޫލުކުރަން އުނދަގޫ މީހުން ކަށިމާ ޝާކިރު ފަދަ ބޭފުޅުންގެ ގާތުން ސުވާލުކޮށްލައްވައިފިނަމަ ވިދާޅުވެދެއްވާނެއެވެ.
ވީމާ އޮތް އެންމެ ރަނގަޅު ޙައްލަކީ ރައްކައުތެރިކަމުގެ ފިޔަވަޅުތައް އަޅައިގެން ދަތުރުކުރުމެވެ. ޛިކުރުތައް ކިޔުމުގެ އިތުރުން ދަތުރުދުޢާވެސް ކިޔުމެވެ.
މިކަމާއި ގުޅިގެން ޝައިޚް ޢަލީ ޒައިދު ވިދާޅުވެފައިވެއެވެ. "ހައިވޭ މަތިން ޖިންނި ފެންނަ ވާހަކަ އެއީ ތެދެއްތޯ ނޫނީ ދޮގެއްތޯ ބުނާކަށް ނޭނގެ! ނަމަވެސް ޖިންނިއަކީ ﷲ ހެއްދެވި މަޚްލޫޤުންތަކެއް! ޖިންނި އުޅޭ! ޖިންނި މޮޔަވެސް ވޭ! ސިފަ ބަދަލުކުރުމާ އިންސާނުންގެ ލޯމައްޗަށް ފެނުމާއި ނުފެނުމުގެ ބާރު (ޖިންނީންނަށް) ލިބިފައިވޭ! ވީމާ ދުޢާތައް ކިޔުން ބުއްދިވެރި!"
ދަތުރަށް ފަށާއިރު ކިޔާ ދުޢާ:
سُبْحَانَ الَّذِي سَخَّرَ لَنَا هَذَا وَمَا كُنَّا لَه ُُ مُقْرِنِيْنَ، وَإِنَّا إِلَى رَبِّنَا لَمُنْقَلِبُوْنَ
