މިއަހަރު ނިމިގެންދާއިރު އެނގިގެން މިދަނީ ކޮންކަމެއް ހެއްޔެވެ؟ ކިތަންމެ މޮޅަށް ރާވައި ހިސާބުތައްޖަހައި އަންދާޒާކުރިނަމަވެސް ހުރިހާ ބާރުތަކެއްވެސް ލިބިވޮޑިގެންވަނީ ހަމަ ﷲ ތަޢާލާއަށް ކަމެވެ.
ތިމާމެންނަކީ މާބޮޑެތި ބާރުތަކެއް ލިބިގެންވާ ބައަކު ކަމަށް ޤަބޫލުކޮށް ބާޠިލު ކުރިއަށް ނެރެ ޙައްޤު ވީޓޯކުރަމުން ގެންދިއަ ނަމަވެސް، ﷲ ތަޢާލާގެ އެންގެވުންތައް ވީޓޯކުރަމުން ގެންދިއަ ނަމަވެސް އިންސާނުން ކުރާ ކޮންމެ ކަމެއް ބާޠިލުކުރެއްވެވުމުގެ އެންމެހައި ބާރުތައް ލިބިވޮޑިގެންވަނީ ހަމައެކަނި ﷲ ތަޢާލާއަށް ކަމެވެ.
ދުނިޔޭގައި މީސްތަކުންނަށް ﷲ ތަޢާލާ ދެއްވެވި ބާރާއި އިޚްތިޔާރުގެ ބޭނުންކޮށްގެން ހިތުން ﷲ ތަޢާލާގެ އިރާދަފުޅަށް "ގޮންޖަހައި" ކަންކަން ނުކުރެވޭނެކަމާއި ބާރާއި އިޚްތިޔާރުތައް ދެއްވެވީ އެމީހަކު ހިތަށްއެރިހައި ގޮތަކަށް ކަންކަންކުރަން ނޫންކަން އަދިވެސް ވިސްނޭކަށް ނުވޭހެއްޔެވެ؟
އިއްޔެ މާޒީވެ ހިނގައްޖެއެވެ. ކުރިއަށް މިދަނީ މިއަދެވެ. ދުނިޔޭގައި ތިބި ބައަކާއި މާދަމާ އައިސް އަރައި ހަމަކުރާނެއެވެ. މާޒީން ޢިބްރަތް ޙޞިލުކޮށް މިއަދު ޢަމަލުނުކުރިނަމަ މާދަމާ ކަންކަން ވެގެން ހިގައިދާނެގޮތާއިމެދު ވިސްނައި ފިކުރުކޮށްލަން މިއަދަކީ ދެއްވެވި ރަނުގެ ފުރުޞަތެކެވެ!
- މިއީ މުފްތީ މެންކުގެ ބައެއް ބަސްފުޅު އަޞްލަކަށް ބަލައިގެން ލިޔެފައިވާ ލިޔުމެކެވެ.
