ކައިވެނީގެ އެންމެ މުހިންމު ބޭނުމަކީ އެކަކު އަނެކަކު ދެކެ ލޯބިވުމެވެ. ލޯބީގައި ވަނީ ދެ ބާވަތެކެވެ. އެއީ އަނެކާގެ ސިފަތަކަށްޓަކައިވާ ލޯތްބާއި ﷲ އަށްޓަކައިވާ ލޯތްބެވެ. އެންމެ މަތިވެރި ލޯތްބަކީ ﷲ އަށްޓަކައި އެކަކު އަނެކަކު ދެކެވާ ލޯތްބެވެ.
ވީމާ ކައިވެނިކުރުމަސްފަހު އެކަކު އަނެކަކު ދެކެ ލޯބި ނުވެވޭނެނަމަ ލޯބިން ދިރިނުއުޅެވޭނެނަމަ ކައިވެނިނުކުރާށެވެ! ލޯބިން ދިރިއުޅުން ނޫން މަޤްޞަދެއްގައި ކައިވެނިކޮށްފިނަމަ އެކަކަށް އަބަދުވެސް ދާނީ އަނިޔާލިބެމުންނެވެ. އެކަންވާނީ އަނެކާއަށް ދެވޭ ވަރަށް ބޮޑު ހިތްދަތިކަމަކަށެވެ.
It was narrated from Ibn Abbas that:
the Messenger of Allah said: “There is nothing like marriage, for two who love one another.”
ކައިވެނިކުރުމަށްފަހު ތިމާގެ ހިތުގައި އަނެކާގެ ސިފަތަކަށް ލޯބި ނުއުފެދުނު ނަމަވެސް އެކަން ހާމަނުކޮށް އެކަން އަނެކާއަށް އިޙްޏާޞްވިޔަނުދީ ﷲ ތަޢާލާއަށްޓަކައި ލޯބިން ދިރިއުޅުމަކީ އެކަމުގެ ޘަވާބާއި ދަރުމަ ﷲ ތަޢާލާ އެމީހަކަށް ދެއްވަވާނެ ކަމެކެވެ. ވީމާ އަނެކާގެ ސިފައަށް ބަލައި ލޯބި ނުވެވޭތީ ކައިވެނި ރޫޅައިލުމުގެ ބަދަލުގައި ﷲ އަށްޓަކައި ލޯބިން، ލޯބިދީގެން އެކުގައި ދިރިއުޅެން މަސައްކަތްކުރާށެވެ!
- އިސްލާމީ ތިލަފަތުގެ ދަރުސަކުން
