ކޮންމެ މީހަކަށްވެސް އެންމެ ބޮޑު އަނިޔާއަކަށްވަނީ މީސްތަކުންގެ ކިބައިން ލިބޭ ހިތްދަތިކަމެވެ. ޚާއްބަކޮށް އެންމެ ގާތް މީހުންގެ ކިބައިންނެވެ. ބައިވެރިޔާގެ ކިބައިންނެވެ. ދަރިންގެ ކިބައިންނެވެ. އަޚުންނާއި އުޚުތުންގެ ކިބައިންނެވެ. އަދި މައިންބަފައިންގެ ކިބައިން ލިބުނު ނަމަވެސް މެއެވެ.
ކިތަންމެ ވަރަކަށް ކަންބޮޑުވި ނަމަވެސް ކުރެވޭނެ ކަމެއް ނެތެވެ. މީސްތަކުންގެ ކިބައިން ހިތްދަތިކަން ނުލިބިއެއް ނުޑާނެއެވެ. ހިތްދަތިކަން ލިބޭނެއެވެ. ދާނީވެސް ލިބެމުންނެވެ.
ވީމާ އެކަމާއި އެހައި ބޮޑަށް ކަންބޮޑުނުވާށެވެ! ﷲ ތަޢާލާ ތިބާގެ ކަންބޮޑުވުންތަކަށް ޙައްލު ދެއްވަވާނެތެވެ! ޝިފާ ދެއްވަވާނެތެވެ! އެކަން ހިންމަވައި ދެއްވެވޭނެ ހަމައެކަނި ފަރާތަކީވެސް ހަމަ ﷲ ތަޢާލާއެވެ!
މާޔޫސްނުވާށެވެ! ހިތްވަރުގަދަކުރާށެވެ! ހިތްދަތިޙާލުގައިވެސް ކުރިއަށްދާން މަސައްކަތްކުރާށެވެ! ކެތްތެރިވެ ﷲ ތަޢާލާއަށް ވަކީލުކުރާ މީހުންނަށް މަގުދައްކަވައިދެއްވަވާނެތެވެ! އިން ޝާ ﷲ
- މުފްތީ މެންކުގެ ދަރުސަކުން
