ކުރިން އަންހެނުން ނަމާދުކޮށް އުޅުނު މިސްކިތްތަކުގައި ނަމާދުކުރުމުގެ ފުރުޞަތު އަންހެނުންނަށް މިހާރު ނެތުމުން ހުރިހާ އަނހެނުންވެސް2 ނަމާދުކުރަމުން ގެންދަނީ އެކަނބަލުންގެ ގެތަކުގައެވެ. އެހެންކަމުން ބައެއް ކަންކަން އިތުރަށް އޮޅުންފިލުވަން ބޭނުންވެގެން ގިނަބައަކު އުޅެއެވެ.
އެގޮތުން ގިނަ ބައަކު ގޭގައި، އަންހެނުން އެކަނި ނުވަތަ އަންހެނުންގެ ޖަމާޢަތެއްގައި ނަމާދު ކުރާއިރު ބަންގި ގޮވާ ޤަމަތް ދިނުމުގެ ޙުކުމާއި މެދު ސުވާލުކުރެއެވެ.
الحمد لله والصلاة والسلام على رسوله ، أما بعد :
"ގޭގައި، އަންހެނުން އެކަނި ނުވަތަ އަންހެނުންގެ ޖަމާޢަތެއްގައި ނަމާދު ކުރާއިރު ބަންގި ގޮވާ ޤަމަތް ދިނުމުގެ ޙުކުމާއި މެދު ޢިލްމުވެރިންވަނީ ޚިޔާލު ތަފާތުވެފައެވެ. ދަލީލުތަކުގެ މައްޗަށް ބަލާއިރު އެންމެ ބުރަވެވޭ ގޮތަކީ ބަންގި އާއި ޤަމަތަކީ އަންހެނުން އެކަނި ނުވަތަ އަންހެނުންގެ ޖަމާޢަތެއްގައި ނަމާދު ކުރާއިރު އެމީހުންނަށް ކުރުން ހުއްދަ (މުބާޙު) ކަމެކެވެ. ކުރުމާއި ނުކުރުމުގެ އިޚްތިޔާރު ލިބިގެންވާކަމެކެވެ.
ވީމާ އަންހެނަކު ޤަމަތް ނުދީ ނަމާދު ކުރިއަސް އޭގެ ސަބަބުން ނަމާދަކަށް އެއްވެސް އުނިކަމެއް ނުލިބޭނެއެވެ. الله أعلم.
- ޝައިޚް ޚްޖުތަބާ ޙަމީދު
ކޮންމެ އަޅުކަމެއް ކުރުމުގައިވެސް ބަލަންވީ އުނިކަމެއް ނައިސް ފުދުމަކަށް ނޫނެވެ. ލިބޭ ޘަވާބު ވީހައި އިތުރުވުމަށެވެ.
