ޣައިބު އެނގުމާއިބެހޭ ގޮތުން ތަކުރާރުކޮށް އެކަމުގެ ޙުކުމް ބަޔާންކުރަމުން ގެންދާއިރުވެސް ކީރިތި ޤުރްއާނުން ދަލީލު ދައްކަމުންގެންދާއިރުވެސް އަދިވެސް އެކަންކަން ޤަބޫލުނުކުރެވޭ ބައަކު އެބައުޅެއެވެ. ސިހުރުވެރިން ގާތަށް ދިއުމުން ދައްކާ ވާހަކަތައް ޤަބޫލުކުރާ ބައަކު އެބ އުޅެއެވެ.
މިއީ ވަރަށް ބރުހުރިކަމެކެވެ. ކީރިތި ޤުރްއާނުގައި ﷲ ތަޢާލާ ވަކިގޮތަކަށް ބަޔާންކުރައްވަވާފައިވާ ކަމެއް އެނޫން ގޮތަކަށް ޤަބޫލުކުރުމަކީ ކިހައި ނުބައިކަންބޮޑުކަމެއްކަން ނިކަން ހިތްމައްޗަށް ގެނެސް ފިކުރުކޮށްލައިބަލާށެވެ!
ﷲ ތަޢާލާ ވަޙީކުރައްވާފައިވެއެވެ. قُل لَّا يَعْلَمُ مَن فِي السَّمَاوَاتِ وَالْأَرْضِ الْغَيْبَ إِلَّا اللَّـهُ ۚ وَمَا يَشْعُرُونَ أَيَّانَ يُبْعَثُونَ (النمل: ٦٥) މާނައީ: ”ﷲ ތަޢާލާ ފިޔަވާ އުޑުތަކާއި ބިމުގައިވާ އެއްވެސް ފަރާތަކަށް ޣައިބެއް ނޭނގޭނެތެވެ.“
އަޞްލަކީ އެއްވެސް ޣައިބު އެގިގެން ނުވުމެވެ. މިކަމުގައި ޖިންނިއެއް އިންސިއެއް އަދި މަލާއިކަތެއްވެސް އިސްތިސްނާވެގެން ނުވެއެވެ. ޣައިބު އެނގޭނީ ﷲ އެއިލާހުގެ އަޅުތަކުންގެ ތެރެއިން އެއިލާހު ޣައިބު ކަޝްފުކޮށްދެއްވި ފަރާތަކަށެވެ.
الشيخ محمد بن صالح العثيمين رحمه الله ވިދާޅުވިއެވެ. ”ޖިންނީންނަށް ޣައިބެއް ނޭނގޭނެއެވެ.“
- އިސްލާމީ ތިލަފަތުގެ ދަރުސަކުން
