ކިރިތި ޤުރްއާނަކީ ހުރިހާ ބަލިތަކަށްވެސް އޮތް ޝިފާއެކެވެ. ހިތަށް ކުރިމަތިވާ ހުރިހާ މައްސަލަތަކަށްވެސް އޮތް އެންމެ ބޮޑު ފަރުވާއެވެ. ހިތަށް ހަމަޖެހުމާއި އުފާވެރިކަން ގެނެސްދޭ އެންމެ ބޮޑު ބައިވެރިޔާއެވެ.
މިކަންކަމަކީ އިތުރަށް ތަޖުރިބާކުރަންޖެހޭ ކަންކަމެއް ނޫނެވެ. ތަޖުރިބާކޮށް ނިމިފައިވާ އަދި މިހާރުވެސް ތަޖުރިބާކުރެވެމުންދާ އެންމެ ބޮޑު ޙަޤީޤަތެވެ.
"ޤުރްއާނަކީ ޝިފާއެއް" ކަމަށް ބުނެވޭ ބަހުގެ މާނައާއިމެދު ޝައިޚް އަޙްމަދު ސަމީރު ވިދާޅުވެފައިވެއެވެ.
"ކީރިތި ޤުރްއާނަކީ ޝިފާއެކޭ ބުނާބުނުމުގެ މާނައަކީ: ކީރިތި ޤުރްއާނަކީ ޝައްކާއި ވަހުމްތަކާއި، ޝިރުކާއި މުނާފިޤުކަމާއި، ޝަހަވާތުގެ ބައްޔާއި މިނޫންވެސް ރޫޙާނީ އެހެނިހެން ބަލިތަކާއި، މާއްދީ ބަލިތަކަށްވެސް އޮތް ފަރުވާއެއްކަމެވެ."
