މާލޭގައި ތާޅަފިލީގެ އަޑު ފުރަތަމަ ކަނޑައިލެވުނީ ބަންޑާރަ މިސްކިތުގެއެވެ. އޭނާގެ ނިމުމަކީވެސް ހިތި، ހިތްދަތި ނިމުމެކެވެ. އަދިވެސް އޭނާ އުޅެމުން ގެންދަނީ އެހިތާމަ އާއި ހިތްދަތިކަމުގައެވެ. މިއަދުވެސް މިފެންނަނީ ހަމަ މިސްކިތްތަކުގެ ތާޅަފިލިތަކުގެ އަޑު ކަނޑަމުންގެންދާ ތަނެވެ.
މިއަދުވެސް އެންމެހައި ބާރުތައް ހަމައެ ﷲ އަށް ލިބިވޮޑިގެންވެއެވެ. އެކަލާނގެ މަތިވެރިކަމަކަށް އެއްވެސް އުނިކަމެއް ނާދެއެވެ. ނުވެސް އަންނާނެއެވެ. ދެރަވެ ނިކަމެތިވަމުންދަނީ ހަމަ މީސްތަކުންނެވެ. އަދި މިއަދު ތާލަފިލީގެ އަޑުކަނޑަމުންގެންދާ މީހުން ނިކަމެތި ކުރެއްވެވުމުގެ ބާރުވެސް ﷲ އަށް މިއަދުވެސް ލިބިވޮޑިގެންވެއެވެ.
އިބްރާހީމީ މިސްކިތުގެ ތާލަފިލީގެ އަދު ނަމާދަށް ކަނޑައިލެވުނުތާ މަސްދުވަސްވީއެވެ. ސަރަހައްދުގައި ދިރިއުޅޭ އެތައް ބައަކު ރައީސުލްޖުމްހޫރިއްޔާއަށް އިލްތިމާސްކޮށްފިއެވެ. އެތައް ސަތޭކަބައަކު ސޮއިކޮށް އިސްލާމިކް މިނިސްޓްރީއަށް ހުށަހަޅައިފިއެވެ. އަދި މިހައިތަނަށް ވީހަމަ އެއްވެސް ކަމެއް ނެތެވެ!
ޚާރިޖީ ވަޒީރު ޢަބްދުﷲ ޝާހިދު ދިރިއުޅުއްވަނީ މިސްކިތް ކުރިމަތީގައެވެ. އެމަނިކުފާނު ވިދާޅުވަމުން ގެންދަވަނީ އެމަނިކުފާނަކީ އިސްލާމްދީނުގެ ކަންކަމަށް ވަރަށް ލޯބިކުރައްވާ ބޭފުޅެއް ކަމަށެވެ. އެހެންކަމަށްވާއިރު މިއީ އެމަނިކުފާނުވެސް ކަންބޮޑުވެވަޑައިގަންނަވާނެ ކަމެއް ކަމަށް ފާހަގަކުރެވޭތީ ސަރަހައްދުގެ ގިނަ ބައަކު އެދެނީ އިސްލާމިކް މިނިސްޓްރީ ހިންގަވަނީ އެމަނިކުފާނު ނޫން ކަމަށްވީނަމަވެސް މިކަމުގައި ކޮންމެވެސް މިންވަރެއްގެ އެހީތެރިކަމެއް ފޯރުކޮށްދެއްވަން މަސައްކަތްކުރައްވަވައި ދެއްވެވުމެވެ.
ސަރަހައްދުން މައުލޫމާތުދިން މީހުން ބުނަނީ ޖަމާޢަތުގައި ކުރާ ނަމާދުގެ އަޑު އިވެން ކޮންމެހެން ބޭނުން ކަމަށާއި އަޑުއިވުމުން ޖަމާއަތަށް އަވަސްވެގަންނަން އިތުރު ހިތްވަރު ލިބޭކަމަށެވެ. އަދި އަބަދުވެސް އިވެމުން އަންނަ އަދެއް ކަނޑައިލުމުން އެކަމުގެ ފަޅުކަންވެސް ވަރަށް ބޮޑަށް އިޙްޞާޞްވަމުން އަންނަ ކަމަށެވެ.
ގުޅުންހުރި ލިޔުން:
އޮޅުވާލަން ނޫޅޭ! މިސްކިތުގެ ޖަމާއަތުގަ ކުރާ ނަމާދުގެ އަޑުއިވިގެން ކަންބޮޑުވާ ބަލިމީހަކު ނެތް! ބަލިމީހުން ކަންބޮޑުވަނީ އަޑު ނީވިގެން!
