ކޮންމެ މީހަކީވެސް ފާފަކުރެވޭނެ މީހެކެވެ. ޙަޔާތުގެ ކޮންމެވެސް ހިސާބެއްގައި ޚާއްޞަކޮށް ޒުވާން އުމުރުގައި ކޮންމެވެސް ވަރަކަށް ކޮންމެވެސް ފާފައެއް ނުކުރެވޭ މީހަކު ހަމަ ވަރަށް މަދުވާނެއެވެ. ﷲ ތަޢާލާ އެފާފަތައް ސިއްރުކުރައްވަވާފައިވަނިކޮށް އަމިއްލައަށް އެކަން ހާމަކުރުމަކީ ސަލާމަތްނުވެވިދާނެ ބޮޑުފާއެކެވެ.
މީސްތަކުންނޭވެ! ފާފައެއް ކުރެވުމުން އެކަމުގެ ވާހަކަ އެހެން މީހުންގެ ގާތުގައި ދެއްކުމުގެ ފާފަ ބޮޑުވަނީ އެކަމުގެ ސަބަބުން ފާފަކުރަން އެހެން މީހުންގެ ހިތްޖެހޭތީއެވެ. ޝައުޤުވެރިވާތީއެވެ. ވީމާ އެފަދަ ވާހަކަތައް ވެގެން އެދަނީ މީހުންލައްވައި ފާފަކުރުވަން ބާރުއެޅުން ކަމަށެވެ.
މިޙަދީޘްފުޅަށް ބަލާށެވެ!
The Messenger of Allah (peace be upon him) said: “My entire nation is safe, except Al-Mujahirin (those who boast of their sins). Among the Mujaharah is that a man commits an (evil) act, and wakes up in the morning while Allah has kept his (sin) a secret, he says: “O Fulan! Last night I did this and that.” He goes to sleep while Allah has kept his (sin) a secret but he wakes up in the morning and uncovers what Allah has kept a secret!” [Saheeh Al-Bukhari]
ޙަދީޘްފުޅުގައި އެވަނީ އެމީހާއަށް ކުރެވޭ ފާފަތަކާއިމެދު ފަޚުރުވެރިވެ ވާހަކަދައްކާ މީހާ ނޫން މިއުންމަތުގެ އެންމެންވަނީ ސަލާމަތްކަމުގައިކަމަށެވެ.
ލޮބުވެތި އަޚުންނާއި އުޚުތުންނޭވެ! ﷲ ތަޢާލާ ސިއްރުކުރައްވަވާފައިވާ ކަމެއް އަމިއްލައަށް ފަޟީޙަތް ނުކުރާށެވެ! ސިއްރު ސިއްރެއްގެ ގޮތުގައި ބާއްވައިގެން ތައުބާވާށެވެ. ފާފަ ފުއްސަވައި ދެއްވެވުން އެދި ގިނަގިނައިން ދުޢާކުރާށެވެ.
- އިސްލާމީ ތިލަފަތުގެ ދަރުސަކުން
ގުޅުންހުރި ލިޔުމެއް:
https://www.arabnews.com/news/480916
