ބައެއް މައިންބަފައިން އެމީހުންގެ ދަރިން ރަނގަޅަށް ނިދާނަމަ އެކަމުގެ ވާހަކަ ގިނަބައެއްގެ ގާތު ބުނެއެވެ. ތިމަންނާގެ ދަރިފުޅު ރޭގަނޑު ހަތަރުދަމު އޮންނަނީ ނިދާފައިކަމަށް އެބަބުނެއެވެ.
ދަރިންގެ މިފަދަ ވާހަކަތައް ނުދައްކާށެވެ! އެފަދަ ވާހަކަތައް ދެއްކުމަކީ އެހެން މީހުންގެ އެސްފީނާ ދަރިންނަށް އަމާޒުވާކަމެކެވެ. އެކަމުގެ ނުބައި އަސަރު ދަރިންނަށްކުރާ ކަމެކެވެ. ބޭސްދީގެން ނިންދަވަން ޖެހޭ ކުދިން ގިނަވުމާއި ބޭސް ދީގެން ނިންދެވިނަމަވެސް ކަޑައިރުކޮޅެއްގެ ތެރޭގައި ހޭލައި ނިދިނަގާލުން ފަދަ ކަންކަން މެދުވެރިވާ ސަބަކަށް އެސްފީނާވެގެންދެއެވެ.
ދަރިފުޅުގެ ނިންޖާއިމެދު މީހަކު ސުވާލުކުރިނަމަވެސް އާދައިގެ ގޮތެއް ކަމަށް ބުނާށެވެ! އިތުރަށް ގިނަ ވާހަކަތައް ކިޔައިނުދޭށެވެ! ކިތަންމެ ގާތް މީހަކުނަމަވެސް އެސްފީނާއަށް ބިރުވެތިވާށެވެ!
ހަމައެކަނި ދަރިންގެ ނިދީގެ ކަންކަމެއް ނޫނެވެ! ދަރިންގެ ހުންނަ ރަނގަޅު ސިފަތަކާއި ދަރިންކުރާ އާދައާއި ޚިލާފް ރަނގަޅު، މޮޅު ކަންކަމާއި އެކުދިންނަށް ލިބިފައިވާ އާދައާއި ހުނަރުތަކުގެ ވާހަކަ ހަމައެކަކު ގާތުވެސް ނުބުނާށެވެ! ދަރިން އެސްފީނާއިން ސަލާމަތްކުރެވޭނީ އެއިރުންނެވެ!
- މުފްތީ މެންކުގެ ދަރުސަކުން
