ކޮންމެ ދުވަހަކީވެސް ބަލިމީހުންނަށް ޒިޔާރްތްކޮށް ޙާލުބަލައި އެމީހުންނަށް އެހީތެރިވެދީ ހެޔޮދުޢާކުރަންވީ ދުވަހެކެވެ. ޚާއްބަކޮށް ޢާއިލާގެ މީހުންނަށެވެ. އެހެންކަމާއިއެކުވެސް ވަގުތު ހުންނަ ގޮތުން ގިނައިން އެކަން ކުރެވެނީ ހުކުރުދުވަސް ފަދަ ބަންދު ދުވަސްތަކުގައެވެ. ބަލިމީހުންނަށް ޒިޔާރްތްކުރަތްކޮށް މިފަދައިން ދުޢާކުރާށެވެ!
ރަސޫލުﷲ صلى الله عليه وسلم ޙަދީޘްކުރެއްވިއެވެ.
«مَنْ عَادَ مَرِيضًا، لَمْ يَحْضُرْ أَجَلُهُ فَقَالَ عِنْدَهُ سَبْعَ مِرَارٍ: أَسْأَلُ اللَّهَ الْعَظِيمَ رَبَّ الْعَرْشِ الْعَظِيمِ أَنْ يَشْفِيَكَ، إِلَّا عَافَاهُ» [رواه أبو داود / كتاب: الجنائز / باب: الدعاء للمريض عند العيادة / رقم: 3106 ، وصححه الألباني في صحيح وضعيف سنن أبي داود]
މާނައީ: "މަރަށް އަދި ޙާޟިރުނުވާ ބަލިމީހަކަށް ޒިޔާރަތްކޮށް،
أَسْأَلُ اللَّهَ الْعَظِيمَ رَبَّ الْعَرْشِ الْعَظِيمِ أَنْ يَشْفِيَكَ.
(މާނައީ: "މަތިވެރި ޢަރުޝުގެވެރި އަރަހުށި މާތް الله ގެ ޙަޟްރަތުން ތިބާއަށް ޝިފާދެއްވުމަށް އެދިދަންނަވަމެވެ.")
މިފަދައިން ހަތްފަހަރު އޭނާއަށް ދުޢާކޮށްދީފިނަމަ ދަންނައެވެ. އޭނާއަށް ޢާފިޔަތު ލިބޭނެއެވެ."
ބަލިމީހުންނަށް ޒިޔާރްތްކުރަންވީ ކީއްވެ؟
ފުރަތަމަ ސަބަބަކީ އެއީ އެއްމުސްލިމަކު އަނެއް މުސްލިމަކަށް އަދާކުރަންޖެހޭނެ ޙައްޤަކަށްވާކަމެވެ.
الشيخ عبد البارئ بن عواض الثبيتي - حفظه الله ވިދާޅުވެފައިވެއެވެ.
ބަލީގެ ސަބަބުން ވޭން ތަހައްމަލު ކުރަން ޖެހެއެވެ. އަދި އެކަން ހަފްތާތަކަކަށް ނުވަތަ މަސްތަކަކަށް ދިގުދެމިގެން ގޮސްދާނެއެވެ. އޭނާއަށް ލޮލުފިޔަޖަހައި ނުލެވެއެވެ. އަދި އަރާމެއް ނުލިބެއެވެ.
އޭނާގެ ހަށިގަނޑުގައި ވޭންއަޅައެވެ. އޭނާވަނީ އެޙާލުގައި މާޔޫސްވެފައެވެ. އަދި އޭނާގެ ބަލި ފަސޭހަކޮށްދެއްވާ، އޭނާގެ ދަރަޖަ އުފުއްލަވައިދެއްވުން އެދި ﷲ ގެ ޙަޟްރަތަށް ދުޢާކޮށް ދިނުން އެދިއެދިއެވެ. އޭނައަށް ޒިޔާރަތްކޮށް، ވާހަކަ ދައްކާލުމުން އޭނާގެ ހިތާމަތައް ފިލައިދެއެވެ. އަދި އޯގާތެރިކަމާއެކު ފިރުމާލުމުން އަޚްވަންތަކަމާއި ގާތްކަން އިޙްސާސްކުރެވެއެވެ.
