ވަރީގައި ތިން ބާވަތެއްވެއެވެ. އެއް ބާވަތަކީ މުޠްލަޤްވަރިއެވެ. މުޠުލަޤު ވަރިއަކީ އެއްވެސް ޝަރުޠަކާއި ނުވަތަ ޤައިދަކާއަނުލައި ކުރެވޭ ވަރިއެވެ.
ދެވަނަ ވަރިއަކީ ޝަރުޠުވަރިއެވެ. ޝަރުޠު ވަރިއަކީ :އަނބިމީހާއަށް ކަމެއް ކުރުމަށް ނުވަތަ ނުކުރުމަށް ޝަރުޠުކޮށް އެކަމެއް ކުރުމުން ނުވަތަ ނުކުރުމުން ވަރިވުމެވެ. (މިސާލަކަށް، ގެއިން ނުކުތިއްޔާ ވަރިވާނެވެ. މިފަދަ ގޮތަކުން ވަރި ވުމެވެ.)
މިފަދަ ޝަރުޠަކާއި ނުލައި ކުރެވޭ ވަރިއަކީ މުޠުލަޤު ވަރިއެވެ.
ވަރީގެ 3 ވަނަ ބާވަތަކީ 3 ފަށްވަރިން ކުރެވޭ
އަނބިމީހާ ތިންފަތްވަރިއަކުން ވަރިނުކޮށް އަދި ޢިޢްދާގައި ވާހިނދަކު އެއީ ރުޖޫޢަކުރެވޭނެ ވަރިއެކެވެ.
އަނބިމީހާ ތިންފަތް ވަރިއަކުން ވަރިނުކޮށް އަދި ޢިޢްދާގައި ވާހިނދު ރުޖޫޢަކުރެވޭނެ ވަނީ ދެގޮތެކެވެ. ފުރަތަމަ ގޮތަކީ ފިރިމީހާގެ ދުލުން ދެހެކީންގެ ހާޟިރުގައި ތިމަންނަ ކައިވެނި ރުޖޫޢަ ކޮށްފިން ކަމަށް ބުނުމެވެ. ދެވަނަ ގޮތަކީ އަނބިމީހާއިއެކު އެއްދާން ކުރުމެވެ.
އެހެންކަމުން ކައިވެނި ރުޖޫޢަކުރަން ގަސްތުކޮށްގެން ތިބި ދެމަފިރިއަކު، ޢިއްދައިގެ ތެރޭގައި ދެމަފިރިކަމުގެ ގުޅުން ބޭއްވުމަކީ މައްސަލައެއް ނޫނެވެ.
ބައެއް ޢިލްމުވެރިން ވިދާޅުވަނީ ވަރިކުރަނީވެސް ހެކިން ބައިތިއްބައިގެން ކަމަށްނުވާއިރު ހެކިންނާއި ނުލައިވެސް ރުޖޫޢަކުރެވޭނެ ކަމަށެވެ. ނަމަވެސް އެބަސް ފަހުން ބަދަލުކޮށްފާނެކަމުގެ ބިރަށްޓަކައި ހެކިން ބައިތިއްބައިގެން ރުޖޫޢަކުރުމުް އެމައްސަލަ ޙައްލުވާނެ ކަމަށެވެ.
ޢިލްމްވެރިން ބަޔާންކުރައްވާ ގޮތުގައި އަމިއްލައަށް ރުޖޫޢަކުރިނަމަވެސް ކޯޓުގައި ވަރި އާއި ކައިވެނި ރުޖޫޢަކުރުން ކޯޓުގައި ރަޖިސްޓްރީކުރަންވާނެއެވެ. އެއީ ފަހުން ވަރިކުރުންފަދަ ކަމެއް މެދުވެރިވެއްޖެނަމަ ވަރީގެ އަދަދު ބެލެހެއްޓުމަށެވެ. އެހެންކަމުން ވަރިއާއި ކައިވެނީގެ ކަންކަން ކުރިއަށް ގެންދަންޖެހޭނީ ނުވަތަ އަމަލުކުރަންޖެހޭނީ އެ ޤައުމެއްގައި އޮންނަ އިސްލާމީ ޝަރުޢީ ހަމަތަކުގެ ތެރެއިންކަމަށެވެ.
- އިސްލާމީ ތިލަފަތގެ ދަރުސަކުން
