ގައިދުރުކޮށް ސަފުހަދައި، މީހާއަށްވުރެ ފުޅާ މުސައްލަ އަޅައި ދެމެދަށް ޝައިޠޯނާ ނުވައްދާށެވެ!
ކުރީގެ ޒަމާންތަކުގައިވެސް ބޮޑެތި ބަލިތަކާއި ގުޅިގެން ގޭގައި ނަމާދުކުރެވުނެވެ. ނަމަވެސް މިސްކިތުގައި ޖަމާއަތުގައި ނަމާދުކުރުމުގައި ޢަމަލުކުރައްވާފައިވަނީ ސުންނަތަށެވެ. އެއީ ކޮނޑާއ ކޮނޑު ޖައްސައި އަދި ދެމީހުންގެ ފައިތިލަ ޖައްސައިގެން ސަފުހެދުމެވެ.
ނަމާދުގައި މީހާއަށް ލިބޭ ޖާގައަކީ މީހާގެ މޭމަތީގެ ފުޅައުމިނެވެ. ދެފައިތިލަ ބަހައްޓަންޖެހޭނީ އެމިނަށެވެ. ވީމާ ތިމާއަށްވުރެ ފުޅައު ޖާގަ ހިފާ ބޮޑެތި މުސައްލަތައް އަޅައި ދެމީހުންގ ދެމެދުން ޖާގަހުސްކުރުމެއް ނެތެވެ.
- މައުލޫމާތު: ޑރ. މުޙައްމަދު އިޔާޟް ޢަބްދުއްލަޠީފް/ ޝައިޚް އިބްރާހީމް ފަރީދު އަޙްމަދު
حَدَّثَنَا مُسْلِمُ بْنُ إِبْرَاهِيمَ، حَدَّثَنَا أَبَانُ، عَنْ قَتَادَةَ، عَنْ أَنَسِ بْنِ مَالِكٍ، عَنْ رَسُولِ اللَّهِ صلى الله عليه وسلم قَالَ " رُصُّوا صُفُوفَكُمْ وَقَارِبُوا بَيْنَهَا وَحَاذُوا بِالأَعْنَاقِ فَوَالَّذِي نَفْسِي بِيَدِهِ إِنِّي لأَرَى الشَّيْطَانَ يَدْخُلُ مِنْ خَلَلِ الصَّفِّ كَأَنَّهَا الْحَذَفُ"
Narrated Anas ibn Malik:
The Prophet (ﷺ) said:
Stand close together in your rows, bring them near one another, and stand neck to neck, for by Him in Whose hand my soul is, I see the devil coming in through openings in the row just like a small black sheep.
Sunan Abi Dawood: 667
ކަން އޮތީ މިފަދައިން ނަމަވެސް ބައެއް މީހުން އެމީހާއަށްވުރެ ފުޅައު މުސައްލަތައް އަޅައި މުސައްލައިގެ ސަރަހައްދަކީ އެމީހާގެ އަމިއްލަ މިލްކެއް ކަމަށް އެބަދެކެއެވެ. އޭނާގެ މުސައްލައިގައި ނުޖެހުނު ނަމަވެސް ޖެހިގެން ހުރި މީހާގެ އުޅަނބޮޑިކޮޅު މުސައްލައާދިމާ މަތީގައި އޮތްނަމަވެސް ކޮރޯނާއަށް ބިރުން އެބަ ތެޅިފޮޅެއެވެ.
މާލެ ސަރަހައްދުގައި ޞިއްޙީ ނުރައްކައުތެރިކަމެއް އެއްވެސް ވަރަކަށް ނެތްކަން މިހާރު މިވަނީ ޔަޤީންކުރެވިފައެވެ. ފަތިހު 5 ން ފެށިގެން 11:00 އަށް ފިހާރަތައް ހުޅުވަން ހުއްދަ ދިނުމާއި 12 ޖަހަންދެން ރެސްޓޯރަންޓްތައް ހުޅުވާފައި ބަހައްޓަން ހުއްދަ ދިނުމުން ޞިއްހީ ކަންބޮޑުވުމެއް ނެތްކަން މިވަނީ ޔަޤީންކުރެވިފައެވެ.
ޑރ. އިޔާޟް ވިދާޅުވެފައިވަނީ ގައިދުރުކޮށް ސަފުހެދުމަކީ 2020ގެ ބިދުޢައެއް ކަމަށެވެ. ކޮރޯނާއަށް ބިރު ނުގަނެ ކޮރޯނާގެވެސް އަދި އެންމެހައި މަޚްލޫޤުންގެ މިލްކްވެރިކަން ލިބިވޮޑިގެންވާ ﷲ ތަޢާލާއަށް ބިރުވުން އިތުރުކުރުމުން ނޫނީ އެއްވެސް ކަމަކުން ސަލާމަތެއް ނުވެވޭނެއެވެ.
