މަރުވެ ވަޅުލެވުމުން ކައްވަޅުގައި ޤިޔާމަތާއި ހަމައަށް ހިލައަކުން ބޯ ޗިސްކުރެވޭ މީހާގެ ވާހަކަ އަޑުއަހަމުހެއްޔެވެ؟
އޭނާގެ ބޮލުގައި ބޮޑުގަލަކުން ޖެހޭނެއެވެ. ޖެހުމުސް ބޯ ޗިސްޗިސްވާނެއެވެ. ޗިސްޗިސްވުމުން އަނެއްކާވެސް ކުރިންހުރި ގޮތަށް ބޯ ރުޖޫޢަކުރައްވަވާނެތެވެ. ރުޖޫޢަކުރެއްވެވުމުން އަނެއްކާވެސް ހަމަ އެހިލައިން ޖަހައި ބޯޗިސްޗިސްކޮށްލެވޭނެއެވެ.
ދުނިޔެ ނިމި ޤިޔާމަތްވެ މަހްޝަރުކުރައްވަވަންދެން އޭނާ އޮންނަން ޖެހޭނެ ޙާލަކީ އެއީ އެވެ. ދެން ބަލައިލަންވީ އެފަދަ ވަރުގަދަ ޢަޛާބެއް އޭނާއަށް ދެއްވަވަނީ ކީއްވެގެންކަމާއިމެދުގައެވެ. އެއީ 2 ސަބަބެކެވެ.
1 ފަރުޟު ނަމާދުތައް އަޅާފައި ނިދުން
2 ޤުރުއާނަށް ޢަމަލުކުރުން ދޫކޮށްލުން.
ދަލީލު މި ޙަދީޘްފުޅުން ބައްލަވާށެވެ!
«أَمَّا الرَّجُلُ الأَوَّلُ الَّذِي أَتَيْتَ عَلَيْهِ يُثْلَغُ رَأْسُهُ بِالحَجَرِ، فَإِنَّهُ الرَّجُلُ يَأْخُذُ القُرْآنَ فَيَرْفُضُهُ وَيَنَامُ عَنِ الصَّلاَةِ المَكْتُوبَةِ» [رواه البخاري]
މާނައީ: "އަދި ކަލޭގެފާނާ އެންމެ ފުރަތަމަ ބައްދަލުވިމީހާއާމެދު ދަންނައެވެ. އެއީ ހިލައަކުން އެމީހެއްގެ ބޯ ޗިސްކޮށްލެވެމުން ދިޔަ މީހާއެވެ. ފަހެ ހަކަށަވަރުން އޭނާ ޤުރުއާން އުނގެނިފައި އެއާ ޚިލާފަށް އުޅެއެވެ. އަދި ފަރުޟު ނަމާދުތައް އަޅާފައި ނިދައެވެ."
ފަތިސްނަމާދާއި އެނޫން ނަމާދުތައްވެސް އަޅައި ނިދަން ތިއަތިބޭ މީހުންނާއި ޤުރްއާނަށް އަމަލުނުކުރާ މީހުން އެވިސްނަނީ ﷲ ގެ ބަރްޒަޚުގެ ޢާލަމް ނޫން ތަނަކަށް މަރުވުމުން ދާން ހެއްޔެވެ؟ މުސްލިމުން ޤަބޫލުކުރާ ބަރިޒަޚުގެ ޢާލަމުގައި ކަންކަން ހުރިމަގަކީ މިއީއެވެ!
- އިސްލާމީ ތިލަފަތުގެ ދަރުސަކުން
