ތިއަބައިމީހުންނަށް ދުނިޔޭގައި ލިބިފައިމިވާ ދުވަސްކޮޅުގައި ހެޔޮ ޢަމަލުކުރުމުގައި އަވަސްވެގަންނާށެވެ. އަދި ތިއަަބައިމީހުން ބުނާ ބަސްތައް ޢަމަލުން ދައްކާށެވެ. ﷲ ތަޢާލާއަށް ތަޤުވާވެރިވާށެވެ.
ޙަޤީޤަތުގައި އިންސާނާގެ ޢުމުރަކީ ﷲ އަށް ކިޔަމަންގަތުމުގައި ހޭދަކުރާ ދުވަސްތަކެވެ. ބުއްދިވެރިއަކީ އެމީހާގެ ނަފްސު ކިޔަމަންކޮށް މަރުވުމަށްފަހު އޮތް ޙަޔާތަށްޓަކައި ތައްޔާރުވާ މީހާއެވެ. އަދި ނުކުޅެދުންތެރިއަކީ އެމީހާގެ ނަފްސު ހަވާނަސްފަށް ތަބާކޮށް ދެން ﷲ ގެ ޙަޟްރަތުން އުންމީދުތައް ކުރާ މީހާއެވެ.
ﷲގެ މަގުގައި ޘާބިތުވާށެވެ. އަދި އެއިލާހާ ކުއްތަންވާށެވެ. ކިޔަމަންތެރިކަން އަދާކުރުމުގެ މަތީގައި ސާބިތުވުމަކީ ޢަމަލު ޤަބޫލުވިކަމުގެ ޢަމާލާތްތަކުގެ ތެރެއިންވާ ކަމެކެވެ. އަދި އަޅަކު، ﷲ އާ ކުއްތަންވުމަށްޓަކައި ކުރާ ޢަމަލުތަކުގެ ތެރެއިން، އެއިލާހުގެ ޙަޟްރަތުގައި އެންމެ ލޮބުވެތިކަން ބޮޑު ޢަމަލަކީ އޭނާގެ މައްޗަށް އެއިލާހު ފަރުޟުކުރެއްވި ކަންތައްތަކެވެ. އަދި ސުންނަތްތައް އަދާކުރުމުގެ މަތީ އެއަޅާ ދެމިހުރިހާ ހިނދަކު، އެއަޅާ އެއިލާހާ ކުއްތަންވަމުންދެއެވެ. އެއީ އެއިލާހު އެއަޅާދެކެ ލޯބިވެވޮޑިގެންފުމަށް ދާންދެނެވެ.
ފަރުޟުތަކަށް ރައްކަތެރިވާށެވެ. އަދި ޤުރުއާން ދޫކޮށްނުލާށެވެ. އަދި ރޭއަޅުކަމަށް ފަރުވާތެރިވާށެވެ!
- الشيخ عبد الله بن عبد الرحمن البعيجان –حفظه الله
