އަމިއްލައަށް ދިރިއުޅޭ ގޭގެ ކޮންމެ ފާޚާނާއެއްގައި ހީޓަރު ބަހައްޓައި ގެ އެއާކޯންކުރެވުނީމާ ދުނިޔޭގެ ކަންކޮޅުތަކުގައި މީސްތަކުން އުޅެންޖެހިފައިވާ ނކަމެތި ޙާލު ހިތަށްވަދޭހެއްޔެވެ؟ ސީރިޔާ، ފަލަސްޠީން (ޚާއްޞަކޮށް ޣާޒާ)ގައި ހަމަ އަޅުގަނޑުމެން ފަދަ މުސްލިމުން ދިރިއުޅެމުން އެގެންދާ ނިކަމެތި ޙާލަތު ވަޒަންކުރެވޭ ހެއްޔެވެ؟ އިޙްޞާޞްކުރެވޭ ހެއްޔެވެ؟
ފަލަސްޠީންގެ ޢައްޒާގައި ފިނިމީސުން ފެށެނީއެވެ ބޭނުންކުރާނެ އެއްވެސް ވަސީލަތެއް ނެތެވެ. ޣާޒާއަކީ މުޅި ދުނިޔެއަށްބެލިނަމަވެސް އެންމެ ބޮޑު ހުޅުވާލެވިފައިވާ ޖަލެވެ. ޤައުމުގެ ހުރިހާ ރައްޔިތުން ބަންދުކުރެވިފައިވާ ޖަލެވެ.
މި ނިކަމެތިންނަށް އެހީވުމުގެ ފުރުސަތު އަޅުގަނޑުމެންނަށް މިވަނީ الله ގެ ރަޙްމަތުން ފަހިވެފައެވެ. މި ފުރުސަތުގެ ބޭނުން އެންމެ ފުރިހަމަ ގޮތުގައި ހިފޭތޯ އަޅުގަނޑުމެން ބަލަމާތޯއެވެ!
އިންޓަރނޭޝަނަލް އެއިޑް ކެންޕޭނުން ބުނެފައިވެއެވެ.!:
ވާރޭ ވެހި ފެން ބޮޑުވީމަ ހިނގާބިނގާވެ އުޅެން، ނުވަތަ ވެހިކަލް ދުއްވާއުޅެން އަޅުގަނޑުމެނަށް ވަރަށް ދަތިވޭ، އެހެން ނޫންތޯ؟ މި މަންޒަރު ތަކަކީ ސީރިޔާގެ އިދްލިބްގެ ބައެއް ހިސާބުތަކުގެ މިހާރުގެ ހާލަތު ދައްކުވައިދޭ މަދު ތަސްވީރުތަކެއް. މިހާލަތުގައި ވަނިކޮށް އެންމެ ގަދަ ފިނިމޫސުން މި މީހުންނާއި ބައްދަލުވާހިނދު ހާލަތު އޮންނާނެ ގޮތް އަޅުގަނޑުމެންނަށް ތަސައްވުރު ކޮއްލަންވެސް އުނދަގޫ ވާނެ.
މިބައިމީހުންގެ މި ހާލަތަށް ކުޑަވެސް ލުޔެއް ލިއްބައިދިނުމަށް އަޅުގަނޑުމެންނަށް ލިބިފައި މިވާ ފުރުސަތުގެ ބޭނުން ހިފަމާ ހިނގާ
الحمد لله އެހެން އަހަރު ތަކެކޭ އެއްގޮތަށް މި އަހަރުވެސް ފިނިމޫސުމަށް ޚާއްސަކުރެވިގެން ކުރިޔަށް ގެންދާ "ސާވައިވިންގް ވިންޓާރ" ކެމްޕޭނު މިވަނީ ﷲގެ ރަޙްމަތުން ފެއްޓިފައި!
މިއަހަރުގެ ކެމްޕޭނު ޚާއްސަކުރެވިފައިވަނީ މައިގަނޑު 4 ޤައުމަކަށް. އެއީ، ޔަމަން، ސީރިޔާ، ފަލަސްތީން އަދި ރޮހިންގޔާ. .
ތިޔަބޭފުޅުން ދެއްވާ ފައިސާގެ އެހީ ބޭނުންކުރެވޭނީ އެ ޤައުމަކަށް ފިނިމޫސުމުގައި އެންމެ މުހިންމު ވެފައިވާ ކަންކަމަށް އިން ޝާ ﷲ. މީގެ ތެރޭގައި ކަބޯތަކެތި، އަންނައުނު، ހޫނުކުރުމަށް ބޭނުންވާ ސާމާނު އަދި މިނޫންވެސް އިތުރު ތަކެތި ހިމެނިގެންދާނެ. .
މިގޮތަށް ދެވޭ ޕެކޭޖެއްގެ އަގަކީ އެވަރެޖް 1000.00 ދިވެހި ރުފިޔާ! ކޮންމެ ބޭފުޅެއްވެސް އެބޭފުޅަކަށް ވެވުނު މިންވަރަކުން ހަދިޔާކުރައްވައިގެން މި ކެމްޕޭނުގައި ބައިވެރިވެވޭނެ!
މި ކެމްޕޭނުގައި ބައިވެރިވެވަޑައިގަތުމަށް ތިރީގައިވާ އެކައުންޓްތަކަށް ފައިސާގެ އެހީ ފޮނުއްވަވާ!
ބޭންކް: ބީއެމްއެލް އިސްލާމިކް
އެކައުންޓް ނަން: އެހީ ޖަމިއްޔާ (ސޭވް ކުރައްވާނީ އެޤަމެއްގެ ނަމުގައި)
(ދިވެހި ރުފިޔާ އެކައުންޓް)
ފަލަސްޠީން: 7770000026261
ޔަމަން: 7770000026264
ރޮހިންގޔާ: 7770000026265
ސީރިޔާ: 7770000026263.
އިތުރު މަޢުލޫމާތެއް ބޭނުންފުޅުނަމަ އަޅުގަނޑުމެންގެ ހޮޓްލައިން 9122121 އަށް ގުޅާލައްވާ!
އަޅުގަނޑުމެންގެ ޕްރޮޖެކްޓް އަގުތައް ހެދިފައިވާނީ ޕްރޮޖެކްޓް ހިންގުމާއި، ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ހަރަދުތަށް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށެވެ.
