ފަހުޒަމާނަށް އަންނަވަރަކަށް މުންކަރާތްތަކުގެ ނަން ބަދަލުކޮށް އެއީ ހުއްދަ ކަންކަމުގައި ހަދައިގެން ކުރަމުން ގެންދާނެކަން އެއީ ޙަދީޘްފުޅުން އެނގެން އޮތް ކަމެކެވެ. މިހާރު އަންނަން މިއުޅެނީ ނާށަޗަރަންގީ ޝޯއެއް ނޫނެވެ. ބަޑީސް ބޮމީސް ރައިފަލީސް ޝޯއެވެ.
ބިރުވެތިވާށެވެ! އެނާޗަރަންގީ އިންތިޒާމުކުރާ ފަރާތްތަކާއި ހުއްދަދިން ފަރާތްތަކާއި އިޝްތިހާރުކޮށްދޭ ފަރާތްތަކާއި ބައިވެރިވާ ފަރާތްތަކަށް ބުނަލަން އޮތީ ހަމަ ކޮންމެ މީހަކުވެސް ރުހުނު ނަމަވެސް ނުރުހުނު ނަމަވެސް މަރުވުމުން ދާންޖެހޭނީ ތިއަކަންކަން ނަހީ ކުރެއްވެވި ﷲ ތަޢާލާގެ ޙަޟްރަތަށް ކަމެވެ. އެދުވަހު ތިއަކަންތައް ވެގެންދާނީ ހަަމަ ތިއަ ޝޯގެ ނަމާއި އެއްގޮތަށް ތިމާގެ ގައަށް އަމިއްލައަށް ޖެހޭ ބަޑިތަކަކަށެވެ. އަމިއްލަ ހަށިގަނޑު ބޮމެއްފަދައިން ގޮއްވައިލުން ފަދަ ކަމަކަށެވެ.
ވިސްނުންތެރިކަމާއިއެކު މަސްޖިދުއްނަބަވީގެ އިމާމުގެ މިބަސްފުޅު ވިދާޅުވާށެވެ!
ﷲ ތަޢާލާއަށް އުރެދުމުން، އެއިލާހުގެ ޙަޟްރަތުގައި މަޚްލޫޤުންގެ އަގުވެއްޓިގެންދާ މިންވަރުގެ ބޮޑުކަމާއެވެ!
ހަމަކަށަވަރުން ފާފައިގެ މަތީ ދެމިހުރުމާއި ފާފައިގެ ފަހަތުން ދިޔުމާއި ނުބައިކަންކަމުގެ ތެރެއަށް ޣަރަޤުވުމާއި އެކަމާ އުފާކުރުމާއި އެފަދަ ކަންކަންކުރަން ކެރުމާއި ﷲ ތަޢާލާގެ ރޭވުންތެރިކަމާމެދު އަމާންކަން ލިބިގެންވާކަމަށް ހީކޮށްގެން ހުރުމާއި ފާފައަކީ ކުޑަކަމެއްކަމުގައި ދެކުމަކީ ޣާފިލުކަން ގެނުވާކަމެކެވެ. އަދި އެއިލާހުގެ ކޯފާ ޙައްޤުވެގެންދާކަމެކެވެ. އަދި އަބާއްޖަވެރިވެ ހަލާކުވުމުގެ ސަބަބެކެވެ.
- الشيخ عبد الله بن عبد الرحمن البعيجان – حفظه الله
