ކޮރޯނާ އާއި އަދިވެސް އެފަދަ ތަފާތު އެތައް މުޞީބާތްތައް ކުރިމަތިވެފައިވާއިރުވެސް ފިނޮޅަކަށް ނަމަވެސް ހުކުރު ދުވަހު ދަތުރުދާ އެތައް ބައަކު އެބައުޅެއެވެ. އެހެންކަމުން އެކަމުގައި އޮތް ޙުކުމް ބަލައިލުމަކީވެސް މުހިންމު ކަމެކެވެ.
ކޮރޯނާ އާއި މާލީދަތިތަކާއި އެހެންވެސް މުޞީބާތްތަކުން ސަލާމަތްކަން ލިބުމަށް އެބަ އެދެމުއެވެ. ރިޒްޤް ތަނަވަސްވުމަށްވެސް އެބަ އެދެމުއެވެ. ނަމަވެސް އެންމެހައި ނިޢްމަތްތައް މިންވަރުކުރައްވަވައި ދެއްވަވާ ﷲ ތަޢާލާގެ އަމުރުފުޅުތަކަށް ބޯލެނބުމެއް ނެތެވެ. ވީއިއރު ނިކަން ބުނެބަލާށެވެ! ތިބާ ތިއަ ވާގިއެދެނީ ކޮންފަރާތަކުން ހެއްޔެވެ؟
ދަތުރުދިއަ ނަމަވެސް ފަރުޟު ނަމާދު އެޅުމެއްނެތެވެ. ދަތުރުގޮސް އުޅެމުންވެސް ހުކުރުނަމާދު ނޫން ފަރުޟު ނަމާދުތައް ކުރެވިދާނެއެވެ. ކިތަންމެ ގިނަ ބައަކު ދަތުރު ދިއަ ނަމަވެސް ހުކުރު ނަމާދު ކުރެވޭނީ އެމީހުންގެތެރޭގައި އެނަމާދު އިމާމްވެ ކުރެވޭވަރުގެ މީހަކުހުރެގެންނެވެ.
ހުކުރު ދުވަހު ދަތުރުދިއުމުގެ ޙުކުމް- ޝައިޚް މުޙައްމަދު ޝާފިޢު
لحمد لله
"އެބައިމީހުންގެ ދަތުރުގައި ހުކުރު ނަމާދުކުރެވޭނެ ގޮތް ފަހިވެފައި އެބައިމީހުން ހުކުރުނަމާދަށް ޙާޟިރުވެ އެނަމާދު އަދާކޮށްފިނަމަ އޭގައި މައްސަލައެއް ނެތެވެ. އެކަމަކު އެދަތުރުގެ ސަބަބުން ހުކުރު ނަމާދުގެ ފަރުޟު ގެއްލިގެންދާނަމަ އެބައިމީހުންނަށް އެ ދަތުރު ހުއްދަވެގެން ނުވެއެވެ. އެއީ އެދަތުރުގެ ސަބަބުން ފަރުޟު ނަމާދެއް ގެއްލިގެންދާތީއެވެ."
اللجنة الدائمة للبحوث العلمية والإفتاء .
"فتاوى إسلامية" (1/417) .
والله أعلم .
