ތިމާގެ ސިފަ ރީތިވެގެން ފަޚުރުވެރިނުވާށެވެ! އެރީތިކަން ގެއްލޭނެއެވެ! އަދި ސިފަ ރީތިވުމަކީ ސުވަރުގެ ވައްދަވާކަމެއްވެސް ނޫނެވެ. ސުވަރުގެ ވައްދަވާނީ ޢަމަލުތައް ރީތިކުރުމުންނެވެ!
އަދި ކީއްހެއްޔެވެ؟ ސިފަ ހުތުރުވުމަކީ މީހުންގެ ޝައުޤުވެރިކަން އެމީހަކާއިމެދު ކުޑަވެގެންދާ ކަމެކެވެ. އެކަމުގެ ސބަބުން ފާހިޝް ޢަމަލުތައް ކުރަން ލިބޭ ދަޢުވަތުވެއެވެ. ނަތީޖާއެއްގެ ގޮތުން ސުވަރުގެ ވަނުމަށް މަގުފަހިވުން އިތުރުވެއެވެ.
އިންސާނާގެ ބޭރުފުށުގެ ސިފައަކީ އެއްވެސް މުހިންމު އެއްޗެއް ނޫނެވެ! އެއްވެސް މީހެއްގެ ސިފަ އެމީހަކާއިއެކު ދެމިއެއް ނުހުރެއެވެ. ޢުމުރުން ދުވަސްވުމާއި ޖެހޭ ބަލިތަކުގެ ސަބަބުން ސިފަ ބަދަލުވެގެންދެއެވެ.
އަދި ކީއްހެއްޔެވެ؟ ސިފަ ރީތިވުމަކީ ﷲ ތަޢާލާ ކުރމަތިކުރައްވަވާ އިތުރު އިމްތިޙާނެކެވެ. އެ ނިޢްމަތަށް ޝުކުރުވެރިވާވަރު އެނގިގެންދާ ކަމެކެވެ. ސިފަ ރީތިވުމުން ޝުކުރުވެރިވުމަކީ ފާހިޝް ޢަމަލުތައް ކުރަން ލިބޭ ދަޢުވަތުތަކަށް އިންކާރުކުރުމެވެ. ސިފަ އާއި އެއްވަރަށް ޢަމަލުތައް ރީތިކުރަން މަސައްކަތްކުރާށެވެ!
އަދިވެސް ކީއްހެއްޔެވެ؟ ސިފަ ޢާއިމެދު ކަންބޮޑުވާންވީ ކީއްވެގެން ހެއްޔެވެ؟ ކޮންމެ އިންސާނަކުވެސް ﷲ ތަޢާލާ ދުނިޔެއަށް ފޮނުއްވަވަނީ އެމީހަކު ހުރުމަށް އެންމެ ލޮބުވެތި ސިފައިގައެވެ.
- އިސްލާމީ ތިލަފަތުގެ ދަރުސަކުން
