ތިމާއަށްވެސް އެންމެ ފައިދާހުރި ދުޢާއަކީ އަޚުންނަށް ނުއަންގައި އަޚުންގެމައްޗަށްކުރާ ހެޔޮދުޢާއެވެ!

ހުކުރު ދުވަހަކީ މީސްތަކުން އެންމެ ގިނައިން ދުޢާކުރާދުވަހެވެ. އެހެނީ ހުކުރު ދުވަހުގައި ހިމެނިގެންވާ ދުޢާ ޢިޖަބާވަވާ ވަގުތުގައި ދުޢާކުރެވިއްޖެނަމަ އެދުޢާ ވަގުތުން ޢިޖާބަކުރައްވަވާނެތީއެވެ. މިއަގުހުރި ފުރުޞަތު ޙާޞިލުކުރަން ކޮންމެ މުސްލިމަކުވެސް ގަދައަޅައި މަސައްކަތްކުރަންވާނެއެވެ. 

ދުޢާކުރުމުގައި މުސްލިމް އަޚުންގެ މައްޗަށްވެސް ހެޔޮދުޢާކުރާށެވެ! އެއީ ތިމާއަށްވެސް އެންމެ ފައިދާހުރި ދުޢާކަމުގައި ބުނެވެނީ އެކަމުން ތިމާއަށްކުރާނެ ފައިދާގެ ބޮޑުކަން ޙަދީޘްފުޅުން އެނގެން އޮތުމުންނެވެ. 

ރަސޫލުﷲ صلى الله عليه وسلم ޙަދީޘްކުރެއްވިއެވެ.

«دَعْوَةُ الْمَرْءِ الْمُسْلِمِ لِأَخِيهِ بِظَهْرِ الْغَيْبِ مُسْتَجَابَةٌ، عِنْدَ رَأْسِهِ مَلَكٌ مُوَكَّلٌ كُلَّمَا دَعَا لِأَخِيهِ بِخَيْرٍ، قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ» [رواه مسلم / كتاب: الذكر والدعاء والتوبة والاستغفار / باب: فضل الدعاء للمسلمين بظهر الغيب / رقم: 88 – (2733)]

މާނައީ: 

"މުސްލިމަކު އޭނާގެ އަޚާގެ މައްޗަށް، އޭނާ ނެތް ތަނުގައި ކުރާ ދުޢާ އިޖާބަވެގެންވެއެވެ. އެމީހެއްގެ ބޯ ކައިރީގައި އޭނާއާ ހަވާލުކުރައްވާފައިވާ މަލާއިކަތެއްވެއެވެ. އެމީހެއްގެ އަޚާއަށް ހެޔޮ ކަމަކަށް ދުޢާ ކުރާ ކޮންމެ ފަހަރަކު އޭނާއާ ހަވާލުކުރައްވާފައިވާ މަލާއިކަތާ ދަންނަވައެވެ. އާމީންއެވެ. އަދި ތިބާއަށްވެސް އެފަދައިން ދެއްވާށެވެ". 

މުސްލިމް އަޚުންގެ މައްޗަށް ހެޔޮދުޢާކުރުމަކީ އަޚާއަށްޓަކައި އަދާކުރަންޖެހޭ ޙައްޤެއްވެސްމެއެވެ. 

الشيخ عبد البارئ بن عواض الثبيتي حفظه الله ވިދާޅުވެފައިވެއެވެ. 

"ﷲ ތަޢާލާއަށް ކިޔަމަންތެރިކަން އަދާކުރުމުގެ ގޮތުން އަދި ނަބިއްޔާ އަށް އިޤްތިދާވުމުގެ ގޮތުން މިފަދަ ޙައްޤުތައް އަދާކުރާ މުޖުމަތަޢުތަކާމެދު ދަންނައެވެ. އެފަދަ މުޖުތަމަޢެއްގެ ބިނާ ވަރުގަދަވާނެއެވެ. އަދި އެބައިމީހުންނަށް ކެހިދީ، އެބައިމީހުންގެ ބިނާ ފޫވައްޓާލަން އުޅޭ މީހަކަށް އެކަމެއް ނުވާނެއެވެ. ﷲ ތަޢާލާ ވަޙީކުރެއްވިއެވެ."

﴿وَالَّذِينَ جَاءُوا مِنْ بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِلَّذِينَ آمَنُوا رَبَّنَا إِنَّكَ رَءُوفٌ رَحِيمٌ﴾ [الحشر: 10]

މާނައީ: "އަދި އެބޭކަލުންގެ ފަހުން އައި މީހުން (ހެޔޮގޮތުގައި ޞަޙާބީންނަށް ތަބާވިމީހުން) ދަންނަވައެވެ.  އަޅަމެންގެ ވެރިރައްބެވެ! އަޅަމެންނަށާއި އަދި އީމާންކަމުގައި އަޅަމެންނަށްވުރެ އިސްވި އަޅަމެންގެ އަޚުންނަށް ފާފަފުއްސަވާނދޭވެ! އަދި އީމާންވި މީސްތަކުންނަށް އަޅަމެންގެ ހިތްތަކުގައި ޙަސަދަވެރިކަމެއް ނުލައްވާނދޭވެ! އަޅަމެންގެ ވެރިރައްބެވެ! ހަމަކަށަވަރުން އިބައިލާހީ ނުހަނު އޯގާވަންތަ، ރަޙީމްވަންތަ އިލާހެވެ."

ވީމާ ތިބާގެ މުސްލިމު އަޚާއަށްޓަކައި ގިނަގިނައިން ހެޔޮދުޢާ ކޮށްދޭށެވެ."

- އިސްލާމީ ތިލަފަތުގެ ދަރުސަކުން