އެމީހެއްގެ ބެލުމުގެދަށުގައިވާ، އެމީހަކު ތަރުބިއްޔަތުކުރަންޖެހޭ މީހުން (އަނބިދަރިން، އެމީހާގެ ބަލަދުވެރިކަމުގެދަށުގައިވާ މީހުން ﷲ ތަޢާލާގެ މަގުގައި ތަރުބިއްޔަތުނުކޮށްފިނަމަ ޤިޔާމަތް ދުވަހު ﷲ ތަޢާލާގެ ޙަޟްރަތުގައި ޖަވާބުދާރީވާންޖެހޭނެއެވެ. ހަމައެފަދައިން ﷲ ތަޢާލާގެ މަގުގައި ތަރުބިއްޔަތުކުރެވިއްޖެނަމަ ލިބެންއޮތް ދަރުމަވެސް ހާދަހައިވާ މަތިވެރިއެވެ. އެބައިމީހުންގެ ޢަމަލުތަކުގެ އަޖުރުން އެއްވެސް މިންވަރެއް އުނިވުމެއް ނެތި، ހަމައެފަދައިން އޭނާއަށްވެސް އަޖުރު ލިބޭނެއެވެ.
الشيخ عبد الله بن عبد الرحمن البعيجان – حفظه الله ވިދާޅުވެފައިވާ މި ބަސްފުޅުތައް އަޑުއަހައިލާށެވެ!
ހަމަކަށަވަރުން ތިއަބައިމީހުންނީ ތިޔަބައިމީހުންގެ ގެތަކާއި ތިއަބައިމީހުންގެ ބެލެހެއްޓުންތެރިކަމުގެ ދަށުގައިވާ މީހުންގެ މައްޗަށް މަސްއޫލުވާން ޖެހޭ ބައެކެވެ. ފަހެ، ތިއަބައިމީހުންގެ އަނބިދަރިންނާމެދު ﷲ އަށް ތަޤުވާވެރިވާށެވެ. ﷲ ޝަރުޢުކުރައްވާފައިވާ ކަންކަން އެބައިމީހުންނަށް އުނގަންނައިދޭށެވެ. އަދި ﷲ ޙަރާމްކުރައްވާފައިވާ ކަންކަމުން އެބައިމީހުން ދުރުކުރާށެވެ. އަދި ރިވެތި އަޚްލާޤުގެ މަތީގައި ތަރުބިއްޔަތުކުރާށެވެ. ފަހެ، ހަމަކަށަވަރުން މާދަމާ ﷲ ގެ ހަޟްރަތުގައި، އެބައިމީހުންނާމެދު ތިޔަބައިމީހުންނާ ސުވާލު ވެވޭނެއެވެ. އަދި އެބައިމީހުން ތިޔަބައިމީހުންގެ މައްޗަށް ހެކިވާނެއެވެ. އަދި އެބައިމީހުން ހެކިވުން ލިޔުއްވި އެކަމާ ބެހޭގޮތުން އެދުވަހު ސުވާލު ވެވޭނެއެވެ.
﴿يَوَدُّ الْمُجْرِمُ لَوْ يَفْتَدِي مِنْ عَذَابِ يَوْمِئِذٍ بِبَنِيهِ [11] وَصَاحِبَتِهِ وَأَخِيهِ [12] وَفَصِيلَتِهِ الَّتِي تُؤْوِيهِ [13] وَمَنْ فِي الْأَرْضِ جَمِيعًا ثُمَّ يُنْجِيهِ [14]﴾ [المعارج: 11- 14]
މާނައީ:
"އެދުވަހުގެ ޢަޛާބުން ސަލާމަތްވުމަށް ކުށްވެރިޔާ އޭނާގެ ދަރިން، ފިދުޔައެއްގެ ގޮތުގައި ދެވޭނެނަމައޭ ހިތައި އެކަމަށް އެދޭނެއެވެ. [11] އަދި އޭނާގެ އަނބިމީހާއާއި، އޭނާގެ އަޚުވެސްމެއެވެ. [12] އަދި އޭނާއަށް ހިޔާވަހިކަންދޭ، އޭނާގެ ގާތްތިމާގެ މީހުންވެސްމެއެވެ. [13] އަދި ބިމުގައިވާހާ އެންމެންވެސްމެއެވެ. ދެން އެ ފިދުޔަ އޭނާ ސަލާމަތް ކުރޭތޯއެވެ. [14]"
އެމީހާގެ ބެލެހެއްޓުންތެރިކަމުގެ ދަށުގައިވާ މީހުން ހެޔޮގޮތުގައި ބަލަހައްޓަން ބާރުއަޅުއްވައި އިތުރަށް ވިދާޅުވެފައިވެއެވެ.
﴿لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنْتُمْ تَعْلَمُونَ [27] وَاعْلَمُوا أَنَّمَا أَمْوَالُكُمْ وَأَوْلَادُكُمْ فِتْنَةٌ وَأَنَّ اللَّهَ عِنْدَهُ أَجْرٌ عَظِيمٌ [28]﴾ [الأنفال: 27، 28]
މާނައީ: "އޭ އީމާންވެއްޖެ މީސްތަކުންނޭވެ! ﷲ އަށާއި، ރަސޫލާއަށް ތިޔަބައިމީހުން ޚިޔާނާތްތެރި ނުވާށެވެ! އަދި ތިޔަބައިމީހުންގެ އަމާނާތްތަކަށް، އެނގިއެނގިތިބެ ތިޔަބައިމީހުން ޚިޔާނާތްތެރި ނުވާށެވެ! [27] އަދި ތިޔަބައިމީހުން ދަންނާށެވެ! ހަމަކަށަވަރުން، ތިޔަބައިމީހުންގެ މުދާތަކާއި، ތިޔަބައިމީހުންގެ ދަރިންނަކީ، އިމްތިޙާނެކެވެ. އަދި ހަމަކަށަވަރުން، ބޮޑުވެގެންވާ ދަރުމަ ވަނީ، ﷲ ގެ ޙަޟްރަތުގައެވެ. [28]"
އޭނާގެ ގޭގެ އަހުލުވެރިން އިޞްލާޙުކުރުމަށް ގަދައަޅާ މަސައްކަތްކޮށް، އަދި އެބައިމީހުންގެ މެދުގައި ﷲ ގެ ޝަރީޢަތާ އެއްގޮތަށް ޢަމަލުކޮށް، އެބައިމީހުން ނަފްސުތަކުއި އީމާންކަމުގެ މުޑުވައް އިންދައިފިމިހާ ދަންނައެވެ. އެބައިމީހުންގެ ޢަމަލުތަކުގެ އަޖުރުން އެއްވެސް މިންވަރެއް އުނިވުމެއް ނެތި، ހަމައެފަދައިން އޭނާއަށްވެސް އަޖުރު ލިބޭނެއެވެ.
ނަބިއްޔާ صلى الله عليه وسلم ގެ އަރިހުން ޞައްޙަކޮށް ރިވާވެގެންއައިސްފައިވެއެވެ. އެކަލޭގެފާނު ޙަދީޘްކުރެއްވިއެވެ.
«إِذَا مَاتَ الإِنْسَانُ انْقَطَعَ عَمَلُهُ إِلَّا مِنْ ثَلَاثٍ: صَدَقَةٌ جَارِيَةٌ، وَعِلْمٌ يُنْتَفَعُ بِهِ، وَوَلَدٌ صَالِحٌ يَدْعُو لَهُ» [رواه الترمذي وصححه الألباني]
މާނައީ: "އިންސާނާ މަރުވުމުން އޭނާގެ ހުރިހާ ޢަމަލެއް ކެނޑިގެން ދެއެވެ. ތިންކަމެއް ފިޔަވައެވެ. އެއީ ދެމިގެންދާ ޞަދަޤާތަކާއި، ފައިދާކުރަނިވި ޢިލްމާ އަދި އޭނާއަށްޓަކައި ދުޢާކުރާނޭ ޞާލިޙު ދަރިއެކެވެ."
ހަމަކަށަވަރުން ޞާލިޙް ދަރިން އުފެއްދޭނީ ﷲ ތަޢާލާގެ މަގުގައި އެދަރިން ތަރުބިއްޔަތުކުރެވިއްޖެނަމައެވެ. އަދި ކީއްހެއްޔެވެ؟ ތިމާ މަރުވިނަމަވެސް އެދަރިންކުރާ ހެޔޮ ޢަމަލުތަކުން ތިބާއަށް ދާނީ އަޖުރުލިބެމުންނެވެ. އިން ޝާ ﷲ
- އިސްލާމީ ތިލަފަތުގެ ދަރުސަކުން
