އަަހަރެންނަށް ވިސްނޭ ގޮތުން ބައެއް ފިރިންނަށް ވަނީ އަޅުކަމަކީ ކޮބައިކަން ކޮންމެވެސް ވަރަކަށް އޮޅިފައެވެ. އެމީހުންނަށް ޤަބޫލުކުރެވިފައި އޮންނަނީ އަޅުކަމަކީ ހަމައެކަނި ނަމާދުކުރުމާއި ދެންވެސް ކުރަންހުރި އެފަދަ ކަންކަން ކުރުން ކަމަށެވެ. ﷲ ތަޢާލާގެ ރުހިވޮޑިގަތުން ލިބޭނީ ހަމައެކަނި އެކަންކަމުން ކަމަށެވެ.
އަހަރެންގެ ކައިވެނީގެ ޙަޔާތުގައި ފާއިތުވި 5 އަހަރު ކުރަންޖެހުނު ތަޖުރިބާއަށް ބަލައި ބުނަމެވެ. އަނބިމީހާގެ އިޙްޞާޞްތަކަށް ވިސްނައި އޭނާއަށް ކޮށްދޭންޖެހޭ ކަންކަން ކޮށްދިނުމަކީ އަޅުކަމެއް ކަމުގައި އެމީހުން ޤަބޫލެއް ނުކުރެއެވެ.
އަހަރެންގެ ވިސްނުން ތަފާތެވެ! ރޭއަޅުކަންކުރަން ފެށުމުގެ ކުރިން އިރުކޮޅަކު ނިދައިލަން އެއޮތީ ވަރަށް މުހިންމު ސަބަބަކަށްޓަކައެވެ. އަދި ފިރިމީހާ އެދުމުން ޝަރުޢީ ޢުޒުރެއްނެތި ރޭނުކުރުމުން މަލާއިކަތުން އެއަންހެނަކަށް ލަޢްނަތްލެއްވެވުން އެދި ދުޢާ ކުރައްވަވައެވެ.
On the basis of the following Hadith, it is generally understood that if a wife refuses sex to her husband she will be cursed by the angels:
عَنْ أَبِي هُرَيْرَةَ رَضِيَ اللَّهُ عَنْهُ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِذَا دَعَا الرَّجُلُ امْرَأَتَهُ إِلَى فِرَاشِهِ فَأَبَتْ فَبَاتَ غَضْبَانَ عَلَيْهَا لَعَنَتْهَا الْمَلَائِكَةُ حَتَّى تُصْبِحَ (بخارى ، رقم:٣٠٦٥)
Abu Hurayrah reports from the Prophet (sws):
"When a husband calls his wife to bed, and she refuses and [as a result] the husband spends the night in anger, then angels curse the wife all night till dawn.”
(Bukhari, No: 3065)
މިޙަދީޘްފުޅު އަހަރެން މާނަކުރަނީ އަނބިމީހާގެ އެދުމަށް ފިރިމީހާ ޢިޖާބަ ނުދީފިނަމަ ފިރިމީހާއަށްވެސް ހަމަ އެފަދައިން މަލާއިކަތުން ލައްވަވާނެ ކަމަށެވެ. ދެމަފިރިންކުރެ އެކަކަށް ބުރަވާނެ ގޮތަކަށް ދެމަފިރިންގެ ގުޅުމުގެ އެއްވެސް ކަމެއް އިސްލާމްދީނަކު ނެތެވެ. ދެމަފިރިންގެ ޙައްޤުތަކާއި ޒިންމާތައް ތަފާތުނަމަވެސް އެއްގޮތް ކަންކަމުގައި އޮތީ ހަމައެއް ޙުކުމެކެވެ.
ބައެއް ފިރިން ކުރިން މިބަޔާންކުރި ޙަދީޘްގެ ވާހަކަދައްކައެވެ. އަނބިންނަށް ބިރުދައްކަން މަސައްކަތްކުރެއެވެ. ހިތާމައަކީ ހަމަ އެ ޙަދީޘް ހަމަ ތިމާއަށްވެސް އަމާޒުވާކަން ނުވިސްނޭކަމެވެ.
މީގެ އިތުރުން ކޮންމެ ރެއަކު ހަތަރުދަމު ރޭއަޅުކަމުގައި ހޭދަކުރަން ބޭނުންވި ޞަޙާބީއަށް ރަސޫލް ﷺ ދެއްވެވި ނަޞޭހަތްޕުޅާއިމެދު ނުވިސްނަނީ ކީއްވެގެންހެއްޔެވެ؟ އަނބިމީހާގެ ޙައްޤުތަކެއްވާކަމާއި އެ ޙައްޤުތައް އަދާކުރަން ޙަދީޘް ނުކުރައްވަވާ ހެއްޔެވެ؟ ރަސޫލް ﷺ އަށްވުރެ ގިނައިން، އެއަށްވުރެ ފުރިހަމައަށް ރޭއަޅުކަންކުރަން ވިސްނަނީ ހެއްޔެވެ؟ ރަސޫލް ﷺ ރޭ އަޅުކަން ކުރެއްވެވީ އަނބިއަނބިކަނބަލުންގެ އަރިއަހުގައި އަވަހާރަފުޅު ލައްޕަވަމުން ނޫންހެއްޔެވެ؟
މިހުރިހާ ސުވާލުތަކެއް މިކުރަނީ ބައެއް ފިރިން އެމީހުންގެ އަނބިންނާއިއެކު ރޭކުރާގޮތުންނެވެ. އެއީ އެމީހުން ބޭނުންވުމުން ކުރަން އޮތް ކަމެއްކަމަށް ދެކޭތީއެވެ. އަދި ރޭކުރަން ދެކޮޅު ހެދުމުން ލަޢްނަތްލިބޭނީ ހަމައެކަނި އަނބިންނަށް ކަމުގައި ދެކޭތީއެވެ. ޢާއިލީ ދިރިއުޅުން ބާއްޖަވެރިކުރެވޭނީ ދެމަފިރިންކުރެ ކޮންމެ މީހަކުވެސް އަނެކާއަށް އަދާކުރަންޖެހޭ ޙައްޤުތައް އަދާކުރުމުންކަމުގައި ދެކޭތީއެވެ.
- ނަސީމާ ނިސްރީން / ލާހޫރު، ޕާކިސްތާން
