ނަރަކައިން ސަލާމަތްވުމަށް ގަދައަޅައި މަސައްކަތްކުރުމަކީ ކޮންމެ މީހަކަށްވެސް އެންމެ މުހިންމު ކަންތަކެވެ. އެކަމަށް ދެބަސްވާނެ އެންމެ މުސްލިމަކުވެސް ނުހުންނާނެއެވެ. އެހެނަސް ހިތަމައަކީ އެކަމަށް ކުރަންޖެހޭ މަސައްކަތް ނުކުރެވުމެވެ.
ނަރަކައިން ސަލާމަތްވުމަށް ކުރަން އޮތް 7 ކަމެއް ފާހަގަކޮށްލާނަމެވެ.
1 ﷲ ތަޢާލާއަށް ފުރިހަމަ ގޮތުގައި އީމާންވުމާއި ރަސޫލް ﷺގެ ސުންނަތަށް ޢަމަލުކުރުން
2 މީސްތަކުންނަށް ހެޔޮކޮށް ހިތުން
3 ފަރުޟު ނަމާދުތައް ބަރާބަރަށް އަދާކުރުމާއި ސުންނަތް ނަމާދުތައްކުރުން ގިނަކުރުން
4 އެކަނި އިނދެ ﷲ ތަޢާލާއަށް ބިރުވެތިވެ ލޮލުން ކަރުނަ އެޅުން
5 ސުންނަތް ރޯދަހިފުން ގިނަކުރުން
6 ޞަދަޤާތްކުރުން ގިނަކުރުން
7 ނަރަކައިން ސަލާމަތްކުރައްވަވައި ދެއްވެވުން އެދި ގިނަގިނައިން ދުޢާކުރުން-
މިކަންކަން ކުރުމަކީ ނަރަކައިން ސަލާމަތްވުމަށް ހުރި މަގުތައްކަން ކޮންމެ މުސްލިމަކަށްވެސް ހަމަ ވަރަށް ރަނގަޅަށް އެނގޭނެއެވެ. ނަމަވެސް ހިތާމައަކީ ޢަމަލު ނުކުރެވޭ ކަމެވެ. ތަކުރާރުކޮށް ހަނދުމަކޮށްދޭން މިޖެހެނީ ހަނދުމަކޮށްދިނުމުގެ ގޮތުންނެވެ.
- އިސްލާމީ ތިލަފަތުގެ ދަރުސަކުން
