"ވަޤުތުގައި ނަމާދުކުރަމުން ﷲ ހުއްދަކުރައްވަވާފައިވާފަދަ ފޭރާމެއްގައި ހުރެގެން އަޅުކަމަކަށް ނިޔަތްގަނެގެން ކަސްރަތުކުރާށެވެ! ދުޅަހެޔޮ ޞިއްޙަތެއްގައި ހުންނަން މަސައްކަތްކުރަން އިސްލާމް ދީން ބާރުއަޅައެވެ. ވީމާ ކަސްރަތުކުރުންވެސް ވާނީ އަޅުކަމަކަށެވެ." ޝައިޚް ޢާސިމް އަލްޙަކީމް
ޝައިޚްގެ މިބަސްފުޅުން އެނގެނީ ކަސްރަތުކުރަންވާނީވެސް ނަމާދުތައް އެނަމާދުގެ ވަޤުތުގައި ކުރަމުން ކަމެކެވެ. މިސާލަކަށް ފަތިހު ކަސްރަތަށް ނުކުންނަންވާނީ ފަތިސް ނަމާދުކޮށްގެންނެވެ. އިރުއޮއްސޭއިއރު ކަސްރަތުކުރަންވާނީ މަޣްރިބް ނަމާދުގެ ވަގުތުގައި މަޣްރިބް ނަމާދުކުރެވޭނެ ގޮތަކަށެވެ.
ހަމައެއާއިއެކު ކަސްރަތުކުރާއިރު މަޙްރަމުން ނޫން މީހަކަށް ފެންނަނަމަ ހުންނަންވާނީ ﷲ ތަޢާލާ ހުއްދަކުރައްވަވާފައިވާ ގޮތަށް ހެދުން އަޅައިގެންކަމެވެ. ގަޔަށްބާރު ދުއްޔެއްހެން ހެދުންލައިގެން ހިލޭ ފިރިހެނުންނަށް ފެނުމެއް ނެތެވެ.
މި ދެ ޝަރުޠު ފުރިހަމަވާގޮތަށް އަޅުކަމެއް ކުރުމުގެ ނިޔަތުގައި ކުރުމުން ކަސްރަތުކުރުންވެސް އަޅުކަމަކަށްވާނެ ކަމެވެ.
