"ވަފާތެރިން ދެކެ އަހަރެމެން ކޮންމެ މީހަކުވެސް ލޯބިވާފަދައިން ބޭވަފާތެރިންދެކެ އިން ތިހާއަށް ނަފުރަތުވެސް ކުރެވެއެވެ. ވުމާއިއެކު (ކޮންމެ މީހަކުވެސް) އަމިއްލަ ނަފުސާއި މިސުވާލުކޮށްލާށެވެ!
ތިމާއަކީ ﷲ ސުބްހާނަހޫ ވަތަޢާލާއަށް ވަފާތެރިއެއް ހެއްޔެވެ؟ ނުވަތަ ބޭވަފާތެރިއެއް ހެއްޔެވެ؟"
- ޝައިޚް ޢަބްދުﷲ ސަޢުދާން
އެހެން މީހަކު ތިބާ އާއި ދިމާއަށް ތިބާއަކީ ބޭވަފާތެރިއެއްކަމަށްބުނެފިނަމަ ގިނަ ބައަކު ރުޅިގަދަވެ ރައްދުދެއެވެ. ދުލުން ނުބައި ބަސްތައް ވެސް ބުނެއެވެ. ބައެއް މީހުން ނުބައި ޢަމަލުތައްވެސް ކުރެއެވެ. އެފަދަ މީހުން އެގޮތަށް ކަންކަން ކުރުމުގެކުރިން މިއީ އަމިއްލަ ނަފްސާއި ކޮށްލަން ހަމަ ވަރަށް މުހިންމު ސުވާލެކެވެ.
ޖަވާބަކީ ތިމާއަކީ ﷲ ސުބްހާބަހޫ ވަތަޢާލާއަށް ވަފާތެރިއަކުކަމުގައި ވަނީނަމަ މީހަކު ތިބާ އާއި ދިމާއަށް ތިބާއަކީ ބޭވަފާތެރިއެއްކަމަށް ބުނުމަކުން ރުޅި އައުމުގެ އެއްވެސް ބޭނުމެއް ނެތެވެ. އޭނާ އެބުނާ ދޮގުބަހުން ތިބާއަށް ލައްވަވާނީ ރަޙްމަތެވެ.
ވިސްނައިލަން ޖެހޭނެ ތަނަކީ އެއްވެސް މީހަކަށް ބޭވަފާތެރިވުމަކީ އިސްލާމް ދީނުގައި ހުއް ކަމެއް ނޫނެވެ. ވީމާ ކޮންމެ މީހަކަށް ބޭވަފާތެރިވީނަމަވެސް އެދެވެނީ ﷲ ސުބްހާބަހޫ ވަތަޢާލާގެ މަގާއި ދުރަށް ކަމެވެ. އަދި އެކަމަށް ޖަވާބުދާރީވާންވެސް ޖެހޭނެކަމެވެ.
