ފިރިމީހާ ގާތުގައި ރަށުގައި ނެތް ނަމަވެސް ސުންނަތް ރޯދަހިފަން ފިރިމީހާގެ ހުއްދަ ހޯދަންޖެހޭނެތޯ މިހާރުވެސް ގިނަ ބައަކު ސުވާލުކުރެއެވެ. ޖަވާބަކީ ހުއްދަ ހޯދަން ނުޖެހޭނެކަމެވެ.
ސުންނަތް ރޯދަހިފާނަމަ ފިރިމީހާގެ ހުއްދަ ހޯދަން ޖެހޭނެކަމަށް އޮތް ޙަދީޘްފުޅުގެ މާނައަސް ބަލާށެވެ!
لاَ يَحِلُّ لِلْمَرْأَةِ أَنْ تَصُومَ وَزَوْجُهَا شَاهِدٌ إِلَّا بِإِذْنِهِ» [رواه البخاري في صحيحه برقم
މާނައީ: " ގާތުގައި ފިރިމީހާ ހުއްޓާ، އޭނާގެ ހުއްދަ ނެތި ސުންނަތް ރޯދަ ހިފުން އަންހެނަކަށް ހުއްދަވެގެން ނުވެއެވެ"
"ފިރިމީހާ ގާތުގައި ހުއްޓާ" އޮތުމުން އެނގެނީ ގާތުގައި ފިރިމީހާ ނެތްނަމަ މިޙަދީޘްފުޅަށް ޢަމަލުކުރަން ނުޖެހޭނެ ކަމެވެ. ފިރިމީހާ ރަށުގައި ނޫޅޭނަމަ، ރޯދަހިފުން ހުއްދަ، އަނބިމީހާ ބޭނުން ކޮނަމެ ދުވަހަކުވެސް ސުންނަތް ރޯދަ ހިފޭނެކަމެވެ.
މިއީ ސުންނަތް ރޯދަތަކަށް ޚާއްޞަ ޙުކުމެކެވެ. ވީމާ ފަރުޟު ރޯދަތަކާއި ޤަޟާ ރޯދަތައް ހިފާއިރު ފިރިމީހާގެ ހުއްދައަށް އެދޭކަށް ނުޖެހޭނެއެވެ.
- އިސްލާމީ ތިލަފަތުގެ ދަރުސަކުން
